07.10.2026 | 12:47
Դատախազությունը պահանջում է ՊԵԿ նախկին պաշտոնյայից հօգուտ պետության բռնագանձել 3 անշարժ գույք, մեքենա և շուրջ 450 մլն դրամ
Եվրոպական խորհրդի ղեկավարը զայրացրել է ԵՄ առաջնորդներին. Politico
Քաղաքականություն
12.01.2024 | 18:32
Եվրոպական խորհրդի ղեկավար Շառլ Միշելը «զայրույթ է առաջացրել» ԵՄ առաջնորդների շրջանում, քանի որ պաշտոնը վաղաժամկետ թողնելու որոշումը պատշաճ կերպով քննարկել է միայն Ֆրանսիայի նախագահ Էմանուել Մակրոնի հետ, իսկ մնացածյալներին տեղեկացրել է էլեկտրոնային փոստով։ Այս մասին գրում է Politico-ն՝ վկայակոչելով անանուն եվրոպացի պաշտոնյաների:
Միշելին մոտ կանգնած աղբյուրի խոսքով՝ քաղաքական գործիչը «ժամանակին» տեղեկացրել է իր որոշման մասին եվրոպական պետությունների ղեկավարներին՝ «ուղղակի կամ անուղղակիորեն» խուսափելու համար տեղեկատվության արտահոսքից։
«Միշելը պատշաճ կերպով որոշումը քննարկել է միայն իր ընկերոջ՝ Ֆրանսիայի նախագահ Էմանուել Մակրոնի հետ՝ էլեկտրոնային նամակ ուղարկելով մյուս եվրոպացի առաջնորդների գրասենյակներին, ինչն «իրավացիորեն» զայրացրել է նրանց»,- գրում է թերթը՝ վկայակոչելով մեկ այլ պաշտոնյայի։
Եվրոպացի դիվանագետներից մեկն է ասել է, որ ԵՄ անդամ երկրների իշխանություններն «ակնհայտորեն հաճելիորեն չեն զարմացել, երբ տեղեկացված են եղել այն ժամանակ, երբ լրատվամիջոցները սկսել են այդ մասին հրապարակումներ անել»։
Ավելի վաղ Եվրախորհրդի ղեկավար Շառլ Միշելը, ում մանդատն ավարտվում է 2024 թվականի նոյեմբերի 30-ին, հայտարարել էր, որ կմասնակցի 2024 թվականի հունիսի 6-9-ը կայանալիք Եվրախորհրդարանի ընտրություններին և ամռանը կլքի իր ներկայիս պաշտոնը՝ զբաղեցնելու եվրապատգամավորի աթոռը։
