23.07.2026 | 14:02
Արգենտինային ԱԱ-2026-ից հեռացնելու մասին ստորագրահավաքը մոտ է եղել Գինեսի ռեկորդը գերազանցելուն
Եվրահանձնաժողովը պատրաստ է զիջել Հունգարիային՝ Կիևին օգնության տրամադրումը համաձայնեցնելու համար. FT
Քաղաքականություն
12.01.2024 | 14:38
Եվրահանձնաժողովը պատրաստ է կատարել Հունգարիայի որոշ պահանջներ՝ Ուկրաինային 50 միլիարդ եվրոյի չափով մակրոֆինանսական օգնության փաթեթն ընդունելու համար։ Այս մասին գրում է Financial Times-ը՝ հղում անելով եվրոպացի բարձրաստիճան անանուն պաշտոնյաների։
2023 թվականի դեկտեմբերին Հունգարիայի վարչապետ Վիկտոր Օրբանը վետո է դրել Ուկրաինային մակրոֆինանսական օգնության փաթեթի վրա։ Այդ ժամանակից ի վեր Բրյուսելը փորձում է ճանապարհ գտնել այս արգելափակումը վերացնելու համար։ Տարբերակներից մեկը Բուդապեշտին 2025 թվականին Ուկրաինային մակրոտնտեսական օգնության փաթեթից վճարումները դադարեցնելու հնարավորություն տալն է, FT-ին հայտնել են քննարկումներին ծանոթ երեք աղբյուրներ:
Եվրամիությունը պատրաստ է հաջորդ տարի վերանայել Ուկրաինային միջոցներ հատկացնելու հարցը։ Միևնույն ժամանակ, գնահատական է տրվելու՝ արդյո՞ք Կիևը դեռևս այս օգնության կարիքն ունի, և արդյո՞ք կատարում է այն ստանալու պայմանները։ Դա Հունգարիային թույլ կտա վետո դնել վճարումների շարունակման վրա, ասվում է հրապարակման մեջ։
«Հանձնաժողովը պատրաստ է նաև անցկացնել օգնության տարեկան աուդիտ և ներդնել «Արտակարգ արգելակում» դրույթ, ըստ որի՝ ցանկացած երկիր կկարողանա Ուկրաինային վճարումների հետ կապված լուրջ մտահոգություններ ներկայացնել ԵՄ գագաթնաժողովին։ Սակայն սա Հունգարիային ֆինանսավորման վրա վետո դնելու լրացուցիչ հնարավորություն չի տա»,- ասվում է հոդվածում։
Հարցին՝ արդյո՞ք այս զիջումները կբավարարեն Վիկտոր Օրբանին՝ վետոն հանելու համար, հունգարացի բարձրաստիճան պաշտոնյան պատասխանել է. «Մենք դեռ հստակ չենք կարող ասել, բայց կարծում եմ, որ հավանական է՝ այո»:
