07.10.2026 | 10:46
Գագիկ Խաչատրյանից առգրավված 70 կտավ հանձնվել է Ազգային պատկերասրահին
Արդյունքը կլինի տարածաշրջանում անկայունության սրումը․ Իրանը դատապարտել է ԱՄՆ-ի և Մեծ Բրիտանիայի կողմից Եմենին հարվածներին
Քաղաքականություն
12.01.2024 | 16:42
Իրանը խստորեն դատապարտել է Եմենի վրա ԱՄՆ-ի և Մեծ Բրիտանիայի ռազմական հարձակումները՝ դրանք անվանելով «կամայական» գործողություն, երկրի ինքնիշխանության և տարածքային ամբողջականության բացահայտ խախտում և միջազգային օրենքների խախտում: Այս մասին հայտնում է Mehr գործակալությունը։
Այսօր ավելի վաղ Եմենի Անսարուլլահի պաշտոնյաները հայտնել էին, որ վաղ առավոտյան պայթյուններ են որոտացել Սանա, Հուդայդա, Սաադա և Դամար քաղաքներում, դրանց հետևել է ԱՄՆ հայտարարությունը, որ Եմենի դեմ ամերիկյան և բրիտանական հարձակումներն իրականացվել են ինքնաթիռներից, նավերից և սուզանավերից:
Իրանի ԱԳՆ խոսնակ Նասեր Քանանին ագրեսիային առաջին արձագանքում ընդգծել է, որ «կամայական հարձակումներն այլ արդյունք չեն ունենա, քան տարածաշրջանում անապահովության և անկայունության սրումը»:
«Այս ռազմական հարձակումներն իրականացվում են վերջին հարյուր օրվա ընթացքում Գազայի հատվածի լիակատար պաշարման տակ գտնվող Սիոնիստական ռեժիմի ռազմական հանցագործություններին Միացյալ Նահանգների և Միացյալ Թագավորության լիակատար աջակցության շարունակությանը համահունչ»,- ասել է նա։
Քանանին Վաշինգտոնին ու Լոնդոնին մեղադրել է աշխարհի ուշադրությունն այս կերպ Գազայի հատվածից շեղելու փորձերի ու «սիոնիստական ռեժիմին աջակցությունն ընդլայնելու» համար։
Քանանին մտահոգություն է հայտնել տարածաշրջանային և միջազգային խաղաղության ու անվտանգության վրա նման կամայական հարձակումների հետևանքների վերաբերյալ՝ կոչ անելով միջազգային հանրությանը պատասխանատու արձագանքներով և գործողություններով կանխել պատերազմի, անկայունության և անապահովության տարածումը տարածաշրջանում։
