Քաղաքականություն
11.01.2024 | 17:07
Ուկրաինայի նախագահ Վլադիմիր Զելենսկին հայտարարել է, որ ռուս-ուկրաինական պատերազմում հրադադարը չի հանգեցնի քաղաքական երկխոսության և միայն օգուտ կբերի Ռուսաստանին։ Նրա խոսքով՝ Ռուսաստանը սպառազինության պակաս է զգում, և հրադադարը Մոսկվային թույլ կտա լրացնել այն՝ զինամթերք գնելով Իրանից և Հյուսիսային Կորեայից։
Զելենսկին, ում խոսքերն է մեջբերում Reuters-ը, այս մասին խոսել է Էստոնիա կատարած այցի ժամանակ՝ Բալթյան տարածաշրջան կատարած իր շրջագայության շրջանակում։
Նա նաև կոչ է արել բռնագրավել ռուսական ընկերությունների և քաղաքացիների ակտիվները, որոնք կապված են Պուտինի կողմից սանձազերծված պատերազմի հետ, որպեսզի օգնեն Ուկրաինային պաշտպանվել ռուսական ագրեսիայից:
