07.04.2026 | 20:11
Սիմոնյանը տեղադրել է Factor TV-ի տեսանյութի մոնտաժած տարբերակ և ընտրողաբար է ներկայացրել ԱԺ դիմաց հավաքվածների խոսքերը
Եթե լրջագույն խնդիր առաջանա, կզանգահարեմ Էրդողանին․ Ալիևը հայտնել է, որ 44-օրյայի ընթացքում ամենաշատը խոսել է Պուտինի և Էրդողանի հետ
Քաղաքականություն
11.01.2024 | 15:35
Ադրբեջանի նախագահ Իլհամ Ալիևը տեղական հեռուստաալիքներին տված հարցազրույցում հայտնել է, որ Արցախյան 44-օրյա պատերազմի ընթացքում ամենաշատը խոսել է ՌԴ-ի և Թուրքիայի նախագահների հետ։
«Ղարաբաղյան Երկրորդ պատերազմի ժամանակ հեռախոսով ամենից շատ խոսել եմ Թուրքիայի և Ռուսաստանի նախագահների հետ։ Եվ դա բնական է։ Թուրքիայի նախագահը պատերազմին առաջինից մինչև վերջին օրը մեր կողքին է եղել, Ադրբեջանին նրա քաղաքական ու բարոյական աջակցությունն ուղերձ էր շատերի համար։ Սա սոսկ համերաշխության և աջակցության ուղերձ չէր ադրբեջանական ժողովրդին։ Սա լուրջ ուղերձ էր պատերազմին միջամտել ցանկացողներին՝ մի՛ կողմ քաշվեք։ Ուստի ադրբեջանական ժողովուրդը երբեք չպետք է մոռանա այս մասին։ Մենք անընդհատ զանգահարում էինք իրար, զրուցում, եղբայրս՝ Ռեջեփ Թայիփ Էրդողանը, հետաքրքրվում էր պատերազմի ընթացքով և առաջինն է ինձ շնորհավորել Շուշիում տարած հաղթանակի կապակցությամբ»,- հայտարարել է Ալիևը:
Նա նշել է, որ եթե այսօր Ադրբեջանի առաջ լրջագույն որևէ խնդիր առաջանա, ապա առաջինը կզանգահարի Էրդողանին ու կտեղեկացնի նրան այդ մասին։
Բացի այդ, Ալիևը նշել է, որ բազմիցս խոսել է նաև ՌԴ նախագահ Վլադիմիր Պուտինի հետ, քանի որ Ռուսաստանը մի քանի անգամ ջանքեր է գործադրել պատերազմը դադարեցնելու համար։
Էմմա Չոբանյան
