Քաղաքականություն
10.01.2024 | 20:38
Ադրբեջանի զինված ուժերի կոմանդոս ստորաբաժանումներում անցկացվում են վարժանքներ՝ մարտավարական և հատուկ պատրաստության դասընթացներ։ Ադրբեջանի ՊՆ-ն հայտնում է, որ պլանի համաձայն՝ կոմանդոսները, դուրս գալով մշտական տեղակայման կետից, հետախուզության ստացված տվյալների հիման վրա շարժվել են դեպի պայմանական հակառակորդի դիվերսիոն խմբի կողմից ենթադրյալ սադրանքի գոտի։
«Ներթափանցելով օպերատիվ տարածքի խորքը՝ նրանք հաջողությամբ կատարել են պայմանական հակառակորդի ժամանակավոր ապաստարանների հայտնաբերման և վնասազերծման, վիրավորներին տարհանելու և այլ առաջադրանքներ»,- ասվում է հաղորդագրությունում։
Ըստ Ադրբեջանի ՊՆ-ի՝ ստորաբաժանումների հետ մարտավարական և հատուկ վարժանքների հիմնական նպատակը, որն անցկացվում է կլիմայական ծանր պայմաններում, զինծառայողների գործնական հմտությունների հետագա կատարելագործումն է, ստորաբաժանումների մարտունակության բարձրացումը, ինչպես նաև քողարկման միջոցների օգտագործումը տեղանքին և եղանակային պայմաններին համապատասխան։
Էմմա Չոբանյան
