30.05.2026 | 12:53
Հունիսի 1-ին որոշ փողոցներ փակ կլինեն
Իրանը ՌԴ-ի համար «Շահեդ»-ի նոր մոդել է մշակել
Քաղաքականություն
10.01.2024 | 18:15
Իրանը մշակել է Shahed-107 կամիկաձե հարվածային անօդաչու թռչող սարքի նոր տարբերակ, որը կարող է օգտագործվել Ռուսաստանի կողմից։ Այս մասին հայտնել է Sky News-ը՝ վկայակոչելով անվտանգության ոլորտի աղբյուրներին։
Նոր մեքենան նկարագրվում է որպես «պայթուցիկ և հետախուզական» անօդաչու թռչող սարք, որը, հավանաբար, զինված է մարտական թիրախներ որոնելու տեխնոլոգիայով:
Ենթադրվում է, որ հատուկ նախագծված անօդաչու թռչող սարքի մի քանի միավոր կարող է առաջարկվել Ռուսաստանին ավելի քան 2 միլիոն դոլար արժողությամբ համաձայնագրի շրջանակում։
«Սա արտացոլում է զգալի ուժային ինժեներական աշխատանք, որն Իրանը կատարում է Ուկրաինայի հարցում Ռուսաստանի շահերին աջակցելու համար»,- ասել է աղբյուրը:
Նոր Shahed-107 անօդաչու թռչող սարքը պատկանում է Shahed-101 V-tail-ի ընտանիքին։ Մոտավորապես 2,5 մետր երկարություն ունեցող ԱԹՍ-ն, որի թևերի բացվածքը 3 մետր է, կարող է արձակվել մեքենայից և, ըստ հաշվարկների, կարող է ունենալ մինչև 1500 կմ հեռահարություն:
