03.06.2026 | 14:10
«Ռեալը» ներկայացրել է նոր համազգեստը․ ՏԵՍԱՆՅՈՒԹ, ԼՈՒՍԱՆԿԱՐ
Զելենսկին ժամանել է Լիտվա․ մեկնարկել է Բայթյան երկրներ նրա շրջագայությունը
Քաղաքականություն
10.01.2024 | 15:37
Ուկրաինայի նախագահ Վլադիմիր Զելենսկին չորեքշաբթի անսպասելի այցով ժամանել է Լիտվա։ Այս այցով մեկնարկում է նրա շրջագայությունը Բալթյան երկրներ, որի ընթացքում Զելենսկին նախատեսում է քննարկել Ռուսաստանի հետ պատերազմը և Կիևի՝ ՆԱՏՕ-ին ու Եվրամիությանն անդամակցելու ծրագրերը, գրում է BBC-ի ռուսական ծառայությունը։
Բալթյան երկրները՝ նախկին խորհրդային հանրապետությունները, որոնք այժմ ԵՄ-ի և ՆԱՏՕ-ի մաս են կազմում, դարձել են Ուկրաինայի ամենահավատարիմ դաշնակիցներից Ռուսաստանի ներխուժումից հետո:
«Էստոնիան, Լատվիան և Լիտվան մեր հուսալի բարեկամներն ու սկզբունքային գործընկերներն են։ Այսօր ես ժամանել եմ Վիլնյուս՝ նախքան Տալլին և Ռիգա մեկնելը»,- գրել է Զելենսկին X-ում։
Նա հավելել է, որ անվտանգությունը, ինտեգրումը ԵՄ-ին և ՆԱՏՕ-ին, համագործակցությունը ռադիոէլեկտրոնային պայքարի և անօդաչու թռչող սարքերի ոլորտում, ինչպես նաև եվրոպական աջակցության հետագա համակարգումը նույնպես օրակարգում են։
Զելենսկին ու Լիտվայի նախագահ Գիտանաս Նաուսեդան առաջիկայում բանակցություններ են անցկացնելու և հանդես են գալու մամուլի ասուլիսով։ Սպասվում է նաև Զելենսկիի ելույթը։
Էմմա Չոբանյան
