15.01.2026 | 12:36
Նոր պատվաստանյութեր ենք ներդրել վերջին տարիներին. Ավանեսյան․ ՏԵՍԱՆՅՈՒԹ
Իրանի և ՌԴ ԱԳ նախարարները հեռախոսազրույց են ունեցել
Քաղաքականություն
10.01.2024 | 13:40
Իրանի ԱԳ նախարար Հոսեյն Ամիր Աբդոլահիանն ու ՌԴ ԱԳ նախարար Սերգեյ Լավրովը հեռախոսազրույց են ունեցել։ Նրանք քննարկել են ահաբեկչության դեմ պայքարի հարցեր, հայտնում է իրանական IRNA գործակալությունը։
Լավրովը ցավակցություն է հայտնել «այն մարդկանց ողբերգական մահվան կապակցությամբ, որոնք հավաքված են եղել Իրանի Քերման քաղաքում՝ ոգեկոչելու գեներալ Ղասեմ Սոլեյմանիի նահատակության տարելիցը և սպանվել ահաբեկիչների կողմից»։
Կողմերը վերահաստատել են միջազգային ահաբեկչության դեմ պայքարի ջանքերի հետագա համակարգման փոխադարձ պարտավորությունները։
Երկու երկրների ԱԳ նախարարները մտքեր են փոխանակել նաև Մերձավոր Արևելքի և փոխադարձ հետաքրքրություն ներկայացնող միջազգային խնդիրների, այդ թվում՝ Գազայի հատվածում և դրա շուրջ, ինչպես նաև Կարմիր ծովում տիրող իրավիճակի վերաբերյալ։ Նրանք ընդգծել են քաղաքական երկխոսության և գործնական համագործակցության ակտիվացման կարևորությունը՝ երկու երկրների ղեկավարների կողմից ձեռք բերված պայմանավորվածություններին համապատասխան։
Էմմա Չոբանյան
