Գերմանիայում ուղևորատար գնացքների մեքենավարները գործադուլ են հայտարարել

Գերմանիայում բեռնափոխադրողների վարորդների գործադուլին միացել են նաև ուղևորափոխադրումներ իրականացնող նրանց գործընկերները. գիշերը սկսվել է Գերմանացի վարորդների արհմիության (GDL) եռօրյա գործադուլը։ Վաղ առավոտյան երկաթուղային Deutsche Bahn (DB) կոնցեռնը հայտարարել է, որ իր բազմաթիվ աշխատակիցներ գործադուլ են անում ժամը 2։00-ից։ Բեռնատար տրանսպորտի մեքենավարների բողոքի ակցիան սկսվել է նախորդ երեկոյան ժամը 18։00-ին, փոխանցում է DW-ի ռուսական ծառայությունը։

Սպասվում է, որ համընդհանուր գործադուլը կտևի մինչև ուրբաթ՝ հունվարի 12-ը, ժամը 18:00-ն: Մինչ այդ Deutsche Bahn-ի արտակարգ իրավիճակների ժամանակավոր չվացուցակը կմնա ուժի մեջ՝ չեղյալ համարելով միջքաղաքային գնացքների երթևեկի մոտ 80 տոկոսը:

DB-ը բացատրել է, որ արտակարգ չվացուցակի ժամանակացույցն առաջարկում է «միայն շատ սահմանափակ ծառայություններ» միջքաղաքային, տարածաշրջանային և կարճաժամկետ գնացքների (S-Bahn) համար:

Երկաթուղայինների գործադուլն այս անգամ ավելի է բարդացել այն բանով, որ այն տեղի է ունենում ֆերմերների համազգային բողոքի ցույցերի հետ միաժամանակ, ինչը կարող է հանգեցնել գերմանական ավտոճանապարհների գերբեռնվածության: Ավելի վաղ գործադուլ անող ֆերմերների ներկայացուցիչները հայտարարել էին հունվարի 8-ից հանրահավաքներ, գյուղտեխնիկայի օգտագործմամբ ցույցեր անցկացնելու և մայրուղիների մուտքերը փակելու մասին։

Մեքենավարները գործադուլը սկսել են 2023 թվականի աշնանը՝ արհմիության և DB կոնցեռնի միջև սակագնային բանակցությունների ձախողումից հետո։ GDL-ը կոչ է անում կրճատել աշխատանքային ժամերը շաբաթական 38-ից մինչև 35 ժամ՝ հերթափոխով աշխատող աշխատողների համար:

Բացի այդ, արհմիությունը պնդում է աշխատավարձերն ամսական 555 եվրոյով բարձրացնելու և վարորդներին գնաճի համար մինչև 3000 եվրո միանվագ փոխհատուցում տրամադրելու մասին։