07.10.2026 | 12:47
Դատախազությունը պահանջում է ՊԵԿ նախկին պաշտոնյայից հօգուտ պետության բռնագանձել 3 անշարժ գույք, մեքենա և շուրջ 450 մլն դրամ
Վրաստանի նախագահը ՌԴ-ն համարում է իր երկրի միակ թշնամին
Քաղաքականություն
09.01.2024 | 21:46
Վրաստանի նախագահ Սալոմե Զուրաբիշվիլին կարծում է, որ Վրաստանը մեկ թշնամի ունի՝ Ռուսաստանը։ Նա նման կարծիք է հայտնել «Ազատություն» ռադիոկայանի վրացական ծառայության հետ հարցազրույցում, փոխանցում է ՏԱՍՍ-ը:
«[Վրաստանն] ունի մեկ թշնամի»,- համաձայնել է Զուրաբիշվիլին, երբ լրագրողը համեմատություններ է անցկացրել 20-րդ դարի կեսերի և ներկայիս Ռուսաստանի նկատմամբ վրացիների վերաբերմունքի միջև:
Վրաստանի նախագահն այդ մասին խոսել է իր հոր՝ Լևանի մասին պատմության համատեքստում, որը Ֆրանսիայում աքսորավայրում ղեկավարել է վրացական սփյուռքը, որի ներսում, Զուրաբիշվիլիի խոսքով, եղել են տարաձայնություններ, բայց եղել է նաև ընդհանուր թշնամու ըմբռնում։
«Միգուցե ինչ-որ մեկը դա չի հասկանում, կամ ինչ-որ մեկը չի ուզում հասկանալ, իսկ ոմանց էլ շահեկան է չհասկանալը: Բայց այն, որ նա կա (թշնամին՝ ի դեմս Ռուսաստանի), փաստ է, նա ինքը չի թաքցնում, և այդ փաստը տեսանելի է ամեն ինչում»,- հավելել է Զուրաբիշվիլին՝ ասելով, որ Վրաստանում ոչ բոլորն են Ռուսաստանին ընկալում որպես թշնամի։
Ըստ նրա՝ «այսօր ոչ մի նշան չկա, որ Ռուսաստանը մտադրություն կամ ցանկություն ունի հավասար հարաբերություններ հաստատել իր հարևանների հետ»։
