15.09.2026 | 17:33
Աջակցում ենք ՀՀ-ի հետ խաղաղությանը․ Հաքան Ֆիդանը՝ Բաքվում
Օրյոլի նահանգապետը հայտնել է ԱԹՍ-ների հարձակման մասին․ վիրավորներ կան
Քաղաքականություն
09.01.2024 | 19:10
Երկու անօդաչու թռչող սարք է ընկել Օրյոլում վառելիքաէներգետիկ համալիրի վրա։ Այս մասին հայտարարել է Օրյոլի նահանգապետ Անդրեյ Կլիչկովը, գրում է Meduza-ն։
Նրա խոսքով՝ ԱԹՍ-ների անկման հետևանքով հրդեհ է առաջացել, այն տեղայնացվել է։ Կլիչկովը հավելել է, որ իրավիճակը «լիակատար վերահսկողության տակ է»։
Ավելի ուշ նա հայտնել է, որ «թշնամական անօդաչու թռչող սարքերը» հարձակվել են Օրյոլի շրջանի վառելիքաէներգետիկ համալիրի օբյեկտների վրա, ինչի հետևանքով երեք մարդ վիրավորվել է։ Երկու տուժածները հրաժարվել են հոսպիտալացումից։
Mash և Shot տելեգրամյան ալիքներն էլ գրում են, որ ուկրաինական կամիկաձե անօդաչու թռչող սարքը հարձակվել է «Օրյոլնեֆտեպրոդուկտի» նավթի պահեստի վրա։ Ըստ Shot-ի՝ ԱԹՍ-ն բախվել է դատարկ պահուստարանին։
Էմմա Չոբանյան
