Քաղաքականություն
09.01.2024 | 18:26
Ադրբեջանի նախագահներ Իլհամ Ալիևի և Արաբական Միացյալ Էմիրությունների նախագահ, շեյխ Մուհամմեդ բին Զայեդ Ալ-Նահյանի միջև բանակցություններից հետո Բաքվում ստորագրվել է երկկողմ փաստաթղթերի փաթեթ, գրում են ադրբեջանական լրատվամիջոցները։
Նշվում է, որ երկու երկրները ստորագրել են ռազմավարական գործընկերության փոխըմբռնման հուշագիր։
Բացի այդ, էմիրությունների ADNOC-ը և ադրբեջանական SOCAR-ը համաձայնագիր են ստորագրել ռազմավարական համագործակցության մասին, Ադրբեջանի էներգետիկայի նախարարությունը և ԱՄԷ-ի ներդրումների նախարարությունը փոխըմբռնման հուշագիր են ստորագրել էլեկտրաէներգիայի փոխանցման նախագծերում ներդրումային համագործակցության վերաբերյալ։
Ստորագրվել է նաև շրջանակային համաձայնագիր ռազմավարական համագործակցության մասին՝ Ադրբեջանի վերականգնվող և մաքուր էներգիայի ներուժի օգտագործման ու կանաչ էներգիայի արտահանման գործառնությունների ընդլայնման նպատակով։
ԱՄԷ նախագահի պաշտոնական այցը Բաքու այդպիսով ավարտվել է։
Էմմա Չոբանյան
