12.01.2025 | 13:35
Ոչ պարտադրվածն է խաղաղություն, ոչ մուրացածը․ Փաշինյան
Իվանիշվիլին կկարողանա Վրաստանի վարչապետի թեկնածու առաջադրել
Քաղաքականություն
09.01.2024 | 16:00
Վրաստանում այսուհետ իշխող «Վրացական երազանք» կուսակցության պատվավոր նախագահի պաշտոնը ստանձնած Բիձինա Իվանիշվիլին կկարողանա Վրաստանի վարչապետի թեկնածու առաջադրել, գրում է «Էխո Կավկազա»-ն։
Դեկտեմբերի 30-ին հաստատված «Վրացական երազանքի» նոր կանոնադրության մեջ ասվում է. «[Քաղխորհուրդը] հաստատում է վարչապետի թեկնածությունը՝ կուսակցության պատվավոր նախագահի առաջարկով»։
Փաստաթղթում նշվում է նաև, որ կուսակցության համագումարը «կուսակցության պատվավոր նախագահ կարող է ընտրել երկրի և կուսակցության զարգացման գործում հատուկ ներդրում ունեցած անձին»։
Կուսակցության պատվավոր նախագահը, ըստ կանոնադրության, նրա «գլխավոր քաղաքական խորհրդականն է»։ Նա կկարողանա քաղխորհրդի նիստ հրավիրել։
Դեկտեմբերի 30-ին Իվանիշվիլին «Վրացական երազանք»-ի համագումարում հայտարարել էր քաղաքականություն վերադառնալու մասին։ Միլիարդատերը նշել է, որ հիմնական նպատակը ոչ թե կուսակցությունն ուժեղացնելն է խորհրդարանական ընտրություններից առաջ, այլ «չափազանց ուժեղացված թիմին մարդկային գայթակղություններից պաշտպանելը»։
