Քաղաքականություն
09.01.2024 | 14:23Ռուսաստանի և Թուրքիայի նախագահներ Վլադիմիր Պուտինի ու Ռեջեփ Թայիփ Էրդողանի հանդիպումը մշակվում է, մանրամասները համաձայնեցվում են դիվանագիտական խողովակներով։ Այս մասին ՌԻԱ Նովոստիին հայտնել են Թուրքիայի նախագահի աշխատակազմից։
«Դեռ հստակություն չկա։ Հանդիպումն օրակարգում է, համապատասխան աշխատանքներ են տարվում դիվանագիտական խողովակներով։ Դեռևս որևէ կոնկրետ բան չկա»,- ասել է Էրդողանի վարչակազմից։
Հիշեցնենք, որ դեկտեմբերին տարեկան ամփոփիչ ասուլիսի ժամանակ Վլադիմիր Պուտինը հայտարարել էր, որ մտադիր է 2024 թվականի սկզբին այցելել Թուրքիա ու բանակցություններ անցկացնել Էրդողանի հետ։
Էմմա Չոբանյան
