01.05.2026 | 11:16
Հայտնի են այս տարվա «Ոսկե ծիրան»-ի անցկացման ժամկետները
Սպիտակ տանը քննարկել են Կիևին ժամանակակից սպառազինությունների մատակարարման հարցը
Քաղաքականություն
09.01.2024 | 15:23
ԱՄՆ նախագահի վարչակազմի բարձրաստիճան պաշտոնյաները հունվարի 8-ին հանդիպում են անցկացրել ամերիկյան պաշտպանական արդյունաբերության ոլորտի ներկայացուցիչների հետ։ Հանդիպման թեման եղել է ամերիկյան առաջադեմ ռազմական տեխնոլոգիաներին Ուկրաինայի հասանելիության հեռանկարը: Այս մասին հայտնում է Reuters-ը՝ վկայակոչելով Սպիտակ տան բարձրաստիճան պաշտոնյայի, փոխանցում է DW-ի ռուսական ծառայությունը։
«Խոսակցությունը եղել է մի շարք համակագերի, այդ թվում՝ անօդաչուների, ինչպես նաև հակառակորդի ԱԹՍ-ների դեմ պայքարի մասին, շոշափվել է ականազերծման խնդիրը»,- լրագրողներին ասել է հանդիպման մասնակիցներից մեկը։
Բացի Ազգային անվտանգության խորհրդի անդամներից՝ հանդիպմանը մասնակցել են Palantir Technologies և Anduril Industries ընկերությունների ներկայացուցիչները, որոնք, ի թիվս այլ բաների, մասնագիտացած են պաշտպանական համակարգչային համակարգերի ոլորտում, ինչպես նաև Skydio-ն, որն արտադրում է անօդաչու սարքեր և դրանց դեմ պայքարելու միջոցներ:
Լրատվամիջոցը նշում է, որ հանդիպումը կազմակերպել է Սպիտակ տան ղեկավարի ազգային անվտանգության հարցերով խորհրդական Ջեյք Սալիվանը, որպեսզի «նոր շեշտադրում արվի Ուկրաինային օգնության հատկացման հարցում՝ հաղթահարելու այս հիմնական տեխնոլոգիական մարտահրավերները», որոնք, ԱՄՆ պաշտոնյաների կարծիքով, «խոչընդոտում են նրանց առաջընթացին և դինամիկությանը մարտի դաշտում»:
Էմմա Չոբանյան
