15.09.2026 | 17:33
Աջակցում ենք ՀՀ-ի հետ խաղաղությանը․ Հաքան Ֆիդանը՝ Բաքվում
Բելգորոդում հրետակոծությունից հետո երեք մարդ վերակենդանացման բաժանմունքում է
Քաղաքականություն
09.01.2024 | 14:47
Հունվարի 8-ի երեկոյան Բելգորոդի շրջանն ու Բելգորոդ քաղաքը ենթարկվել են Ուկրաինայի զինված ուժերի հարձակմանը։ Այս մասին հայտարարել է շրջանի նահանգապետ Վյաչեսլավ Գլադկովը, գրում է Meduza-ն։
Նրա խոսքով՝ ռուսական ՀՕՊ ուժերը խոցել են 10 օդային թիրախ «քաղաքին մոտենալիս»։ ՊՆ-ից էլ հայտնել են, որ շրջանին հարվածը հասցվել է «Վամպիր» RM-70 համազարկային կրակի ռեակտիվ համակարգից։
Հարձակման հետևանքով, ըստ Գլադկովի, վիրավորվել է երեք մարդ։
«Կինը բեկորային վերքեր ունի մեջքի, տղամարդը՝ կրծքավանդակի, մեջքի, նախաբազկի, մեկ այլ տղամարդ էլ՝ կրծքավանդակի և վերին վերջույթի շրջանում»,- գրել է նահանգապետը։
Նա նաև հստակեցրել է, որ տուժածները գտնվում են վերակենդանացման բաժանմունքում։
«Բոլորը վիրահատվել են։ Բժիշկները նրանց վիճակը գնահատում են կայուն ծանր, ցուցաբերվում է անհրաժեշտ բժշկական օգնություն»,- ասել է Գլադկովը՝ նշելով, որ առավոտից տեղի իշխանությունները տուժած թաղամասերում այցելություններ են իրականացնում։
Էմմա Չոբանյան
