14.12.2024 | 11:55
Ծանրամարտի ԱԱ․ Հայաստանն այսօր ունի երեք ներկայացուցիչ
Շվեդիան իր զորքերը կուղարկի Լատվիա՝ ՌԴ-ին զսպելու համար
Քաղաքականություն
09.01.2024 | 13:21
Շվեդիան ծրագրում է հաջորդ տարի զորք ուղարկել Լատվիա՝ Ռուսաստանի հնարավոր հարձակումը զսպող ուժերի կազմում ծառայություն իրականացնելու։ Այս մասին հայտարարել է Շվեդիայի վարչապետ Ուլֆ Քրիստերսոնը, փոխանցում է VOA-ն։
Քրիստերսոնն ասել է, որ մտադիր չէ ժամանակ վատնել՝ սպասելով ՆԱՏՕ-ին իր երկրի անդամակցության վերջնական ավարտին, նաև զգուշացրել, որ Ռուսաստանը փորձում է ապակայունացնել ամբողջ Եվրոպան մի շարք սպառնալիքների, ապատեղեկատվության և կիբերհարձակումների միջոցով:
Նրա խոսքով՝ Ուկրաինային աջակցությունը Շվեդիայի, Եվրամիության և ԱՄՆ-ի կողմից պետք է շարունակվի։ Պաշտոնյան հավելել է, որ Շվեդիան ունի եզակի ռազմական հնարավորություն՝ օդում և ջրի տակ, հետախուզական հնարավորություններով և փորձառու զինվորներով։
Ըստ Քրիստերսոնի՝ Շվեդիան կնպաստի ՆԱՏՕ-ի պաշտպանությանն ու զսպմանը և պատրաստ է տրամադրել ցամաքային մարտական ստորաբաժանումներ՝ Բալթյան երկրները պաշտպանելու համար։
Շվեդիայի պաշտպանության նախարար Փոլ Ջոնսոնը հայտարարել է, որ Ստոկհոլմը պետք է հրետանային զինամթերք գնի իր և Ուկրաինային մատակարարելու համար, գործարանների արտադրական հզորությունը պետք է մեծանա։
