01.11.2024 | 23:19
Հրդեհ Գյումրու տներից մեկում
Վաշինգտոնում ավտոմեքենան բախվել է Սպիտակ տան դարպասներին
Քաղաքականություն
09.01.2024 | 11:55
ԱՄՆ իշխանությունները ձերբակալել են մեքենայի վարորդին, որը երկուշաբթի երեկոյան բախվել է Սպիտակ տան դարպասներին։ VOA-ի փոխանցմամբ՝ այս մասին հայտնել է ԱՄՆ գաղտնի ծառայությունը։
«Երեկոյան ժամը 6-ին մոտ մեքենան բախվել է Սպիտակ տան համալիրի արտաքին դարպասներին»,- հայտնել է ծառայության ներկայացուցիչ Էնթոնի Գուլելմին X սոցցանցում՝ հավելելով, որ բախման պատճառն ու բնույթը պարզվում են։ Անվտանգության ծառայությունում չեն հայտնել՝ միջադեպը եղել է սովորական վթար, թե պլանավորված հարձակում շենքի վրա։ Նախագահ Ջո Բայդենը միջադեպի պահին նստավայրում չի եղել։ Վաշինգտոնի ոստիկանությունը ստուգել ու տարել է ավտոմեքենան, վարորդը կալանավորվել է։
Վերջին տարիներին Սպիտակ տանը մի շարք աղմկահարույց ներխուժումներ են եղել, ինչից հետո 2020 թվականին նախագահական նստավայրի շուրջ ավելի բարձր, ավելի ամուր մետաղական պատնեշ կառուցվեց:
2014 թվականին, երբ նախագահ էր Բարաք Օբաման, ԱՄՆ բանակի մի վետերան բարձրացել էր Սպիտակ տան ցանկապատի վրայով, վազել սիզամարգով ու դանակը գրպանում ներս մտել։ Իսկ 2017 թվականին մի տղամարդ բարձրացել ու անցել էր ցանկապատի վրայով, նախքան ձերբակալվելը հասցրել ավելի քան 15 րոպե թափառել տարածքով․ այդ ժամանակ նախագահ Դոնալդ Թրամփը Սպիտակ տանն էր եղել:
