15.09.2026 | 18:03
«Քրոջս հաշվին եք ուզում «հողեր հետ բերել», որը զոհվել է 2022-ին՝ ծառայության ընթացքում»․ Ալխաս Ղազարյան․ ՏԵՍԱՆՅՈՒԹ
2023 թվականին ՌԴ-ում բանակի մասին «կեղծիքների» համար 135 գործ է հարուցվել
Քաղաքականություն
08.01.2024 | 20:08
2023 թվականի 11 ամիսների ընթացքում Ռուսաստանում հարուցվել է 135 քրեական գործ՝ ռուսական բանակի մասին «կեղծ լուրերի» հոդվածով, որից 79 գործը՝ 70 անձի նկատմամբ, քննչական մարմինների կողմից արդեն ուղարկվել է դատարան։ Այս մասին գրում է DW-ի ռուսական ծառայությունը՝ վկայակոչելով ՌԴ Գլխավոր դատախազության տվյալները։
Նախորդ՝ 2022 թվականին, նույն հոդվածով հարուցվել է 187 գործ, որից 78-ը հասել է դատաքննության փուլ։
Ռուսաստանի զինված ուժերին և իշխանություններին «վարկաբեկող», «կեղծ լուրեր» տարածելու մեղադրանքով անցյալ տարի արգելափակվել կամ ջնջվել է ավելի քան 69 հազար կայք, մինչդեռ Գլխավոր դատախազությունն արգելափակման 555 հարցում է ուղարկել Ռոսկոմնադզորին։ 2022 թվականին համապատասխան թվերն ավելի բարձր են եղել՝ 853 արգելափակման հարցումների դեպքում ջնջվել կամ արգելափակվել է 128 հազար ինտերնետային ռեսուրս։
Կայքերն արգելափակվել են հիմնականում ուկրաինական պատերազմի, ինչպես նաև Ռուսաստանում տնտեսական իրավիճակի, «միջուկային զենքի կիրառման սպառնալիքի» և 2023 թվականի աշնանը ընտրությունների ժամանակ խախտումների լուսաբանման համար։
