15.09.2026 | 18:30
«Դաշնակցական բոլշևիզմ»-ից մինչև «ՀՀՇ-ի ծիլեր». գաղափարախոսական պարադոքս՝ ԱԺ-ում. ՏԵՍԱՆՅՈՒԹ
Ռուսական ինքնաթիռից ավիառումբ է ընկել Լուգանսկում՝ ՌԴ ենթակայության տարածքում
Քաղաքականություն
08.01.2024 | 14:06
Ինքնահռչակ Լուգանսկի հանրապետության Ռուբեժնոյե քաղաքի վրա ռուսական ինքնաթիռից ավիառումբ է ընկել։ Այս մասին հայտարարել է ՌԴ-ի կողմից նշանակված Լուգանսկի ղեկավար Լեոնիդ Պասեչնիկը, գրում է Meduza-ն։
Ըստ աղբյուրի՝ «ФАБ-250» ավիացիոն զինամթերքի դուրսմղումը տեղի է ունեցել, երբ Ռուսաստանի օդատիեզերական ուժերի ինքնաթիռը մարտական առաջադրանքներ էր կատարել։
Պասեչնիկը հայտնել է, որ ոչ ոք չի տուժել։ Մոտակա տների բնակիչները տարհանվել են։ Ժամանակավոր կացարանի կենտրոն հինգ մարդ է տեղափոխվել, այդ թվում՝ երկու երեխա։
Հաղորդվում է, որ ավիառումբի ընկնելու վայրում աշխատում են ներքին գործների նախարարության, ԱԻՆ, զինվորական հրամանատարության ներկայացուցիչները։ Մասնագետները որոշում են կայացնում զինամթերքի վնասազերծման հետ կապված։
ՌԴ ՊՆ-ն ավիառումբի մասին տեղեկություններ դեռևս չի հաղորդել։
Էմմա Չոբանյան
