12.01.2025 | 11:41
Հրդեհ՝ Հյուսիսային պողոտայի սուպերմարկետներից մեկի պահեստային հատվածում
Սիրիայում ամերիկյան ռազմաբազան հրթիռակոծության է ենթարկվել
Քաղաքականություն
08.01.2024 | 15:18
Սիրիայի Դեյր-էս-Զոր նահանգում տեղակայված ամերիկյան ռազմաբազան հրթիռային հարձակման է ենթարկվել։ Այս մասին հայտնում է Al Mayadeen հեռուստաալիքը։
«Հրթիռային հարձակումն իրականացվել է Դեյր-էս-Զորից արևելք գտնվող ալ-Օմար նավթային հանքավայրի ամերիկյան բազայի վրա»,- ասվում է հեռուստաալիքի հաղորդագրությունում։
Նշվում է, որ բազայի ուղղությամբ 30 հրթիռ է արձակվել, արձակումը տեղի է ունեցել Սիրիայի տարածքից:
Ընդհանուր առմամբ, Սիրիայի Արաբական Հանրապետության տարածքում ԱՄՆ-ն ունի 24 ռազմաբազա և չորս հենակետ: Պաղեստինա-իսրայելական հակամարտության սրման սկզբից ի վեր երկրում ամերիկյան բազաները պարբերաբար կրակի տակ են հայտնվում:
Հունվարի 4-ին «Իրաքի իսլամական դիմադրություն» շիա զինյալ կազմակերպության ներկայացուցիչները հայտարարել են Սիրիայի Թանֆում ամերիկյան բազայի վրա հարձակման մասին։ Մինչ այդ, Սիրիայի հյուսիս-արևելքում տեղակայված ամերիկյան երկու բազաներ հայտնվել էին Իրաքի շիական իսլամական դիմադրության շարժման կրակի տակ։ Ավելի վաղ էլ անօդաչու թռչող սարքով խոցվել էր Սիրիայում ԱՄՆ ռազմաբազան։
