Քաղաքականություն
08.01.2024 | 14:53
Ռուսաստանն ու Իրանը միացրել են իրենց ֆինանսական հաղորդագրությունների համակարգերը, ուստի այժմ երկու երկրների բանկերը կարող են ուղղակիորեն գործարքներ իրականացնել։ Լրատվամիջոցներին այս մասին ասել է Իրանի Կենտրոնական բանկի միջազգային հարցերով փոխնախագահ Մոհսեն Քարիմին, գրում է ՌԻԱ Նովոստին։
«Մենք կապել ենք երկու երկրների (ֆինանսական ) հաղորդագրությունների փոխանցման համակարգերը, ինչը նշանակում է, որ երկու երկրների բանկերն այլևս Շվեյցարիայի կարիքը չունեն միմյանց հետ շփվելու համար, և երկու երկրների առևտրային բանկերը կարող են միջնորդական հարաբերություններ հաստատել իրար հետ: Արտահանողը կարող է ռուսական կողմին ռիալով հաշիվ-ապրանքագիր տրամադրել և գումար ստանալ Իրանում գտնվող ռուսական բանկերից»,- Քարիմիի խոսքերն է մեջբերում Fars գործակալությունը։
Իրանցի պաշտոնյան ընդգծել է նաև, որ երկու երկրների արտահանողները կարող են գործարքներ իրականացնել իրենց ազգային արժույթով։
