12.01.2025 | 14:16
Առաջիկա օրերին օդի ջերմաստիճանն էապես չի փոխվի
Բերբոքն Իսրայելին կոչ է արել նվազեցնել ռազմական գործողությունների ինտենսիվությունը
Քաղաքականություն
08.01.2024 | 11:12
Գերմանիայի արտաքին գործերի նախարար Անալենա Բերբոքն Իսրայելին կոչ է արել նվազեցնել Գազայի հատվածում ռազմական գործողությունների ինտենսիվությունը, գրում է DW-ի ռուսական ծառայությունը։
«Բազմաթիվ անմեղ մարդկանց տառապանքը չի կարող շարունակվել այս կերպ, ռազմական գործողությունը պետք է իրականացվի պակաս ինտենսիվորեն», – ասել է Բերբոքը Իսրայելի արտգործնախարար Իսրայել Կացի և նախագահ Իսահակ Հերցոգի հետ կիրակի օրը կայացած բանակցություններից հետո:
Ըստ Բերբոքի՝ իսրայելական բանակը պետք է ավելին անի Գազայի խաղաղ բնակիչներին պաշտպանելու համար: «Նա պետք է ուղիներ գտնի ՀԱՄԱՍ-ի դեմ պայքարելու համար՝ չվնասելով այդքան պաղեստինցիներին»,- ընդգծել է գերմանացի նախարարը։
Անալենա Բերբոքը դեմ է հանդես եկել Գազայի հատվածից պաղեստինցիներին վերաբնակեցնելու նախաձեռնությանը, որի մասին ավելի վաղ բարձրաձայնել էին Իսրայելցի մի քանի նախարարներ: «Գազան, անկասկած, պատկանում է պաղեստինցիներին»,- ասել է Բերբոքը:
