15.01.2026 | 20:00
ԱՄՆ-ն ունի մեծ լծակ Ադրբեջանի վրա ազդելու, որ ՀՀ վերադարձվեն բոլոր պատժաչափ ունեցող գերիները․ Դիանա Կարապետյան. ՏԵՍԱՆՅՈՒԹ
Ամերիկյան «Ջերալդ Ֆորդ» ավիակիրը լքել է Միջերկրական ծովը
06.01.2024 | 14:51
Ամերիկյան «Ջերալդ Ֆորդ» ավիակիրը և նրա հարվածային խումբը նավարկել են Ջիբրալթարի նեղուցով և լքել Միջերկրական ծովը։ Ինչպես տեղեկացնում է «Արմենպրես»-ը, այդ մասին հայտնել է ԱՄՆ-ի վեցերորդ նավատորմի ղեկավարությունը։
«Ջերլադ Ֆորդ» ավիակիրն անցել է Ջիբրալթարի նեղուցով և լքել Միջերկրական ծովը՝ ԱՄՆ-ի վեցերորդ նավատորմի օպերացիոն տարածքում գործողություններն ավարտելուց հետո»,- ասված է հայտարարության մեջ։
Նշվում է, որ ավիակիրի հետ միասին տարածքը լքել է նաև նրա հարվածային խումբը։
«Ջերալդ Ֆորդ» ավիակիրը հարվածային խմբով ժամանել էր Միջերկրական ծովի արևելյան շրջան՝ պաղեստինաիսրայելական հակամարտության սրացումից հետո։ Սպիտակ տունն ընդգծել է, որ իր տեղակայումը տարածաշրջանում պետք է հետ պահի երրորդ կողմերին Իսրայելի շուրջ էսկալացիայի մեջ ներգրավվելուց: Բացի բուն ավիակիրից, հարվածային խումբը ներառում է հրթիռային հածանավ և չորս կործանիչներ, որոնք կրում են կառավարվող հրթիռային զենքեր։
