14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Վիրավոր զինծառայողներին վիրահատում են
07.07.2017 | 17:51
Ադրբեջանական զինուժի արկակոծության հետևանքով տարբեր աստիճանի բեկորային վիրավորումներ ստացած Պաշտպանության բանակի զինծառայողներ Ռոբերտ Գասպարյանը, Համբարձում Հարությունյանը և Վահե Բադալյանը տեղափոխվել են Ստեփանակերտի զինվորական հոսպիտալ, նրանց վիրահատում են: Այս մասին Factor.am-ին հայտնեցին Ստեփանակերտի զինվորական հոսպիտալից՝ նշելով, որ վիրավորները հոսպիտալ են տեղափոխվել ժամեր առաջ: Հոսպիտալից, սակայն, հրաժարվեցին հայտնել, թե ինչ վիճակում են գտնվում վիրավորները: Պաշտպանության բանակի տարածած հաղորդագրության համաձայն՝ հուլիսի 7-ի առավոտվանից սկսած հակառակորդը արցախա-ադրբեջանական հակամարտ զորքերի շփման գծում խախտում է հրադադարի պահպանման ռեժիմը՝ օգտագործելով ինչպես հրաձգային զինատեսակներ, այնպես էլ Դ-30 և Դ-44 տիպի հրանոթներ, տարբեր տրամաչափի ականանետեր ու նռնականետեր:
Ավելի վաղ տեղեկացրել էինք՝ ադրբեջանական զինուժի արկակոծության հետևանքով տարբեր աստիճանի բեկորային վիրավորումներ են ստացել ՊԲ զինծառայողներ Ռոբերտ Նովրուզի Գասպարյանը (ծնվ. 1969թ.), Համբարձում Կարապետի Հարությունյանը (ծնվ. 1997թ.) և Վահե Գագիկի Բադալյանը (ծնվ. 1998թ.): Հակառակորդի նախահարձակ ակտիվությունը ճնշելու համար ՊԲ առաջապահ զորամասերն իրականացնում են պատասխան գործողություններ:
Շողիկ Գալստյան
