20.02.2026 | 20:32
Խուզարկություններ` Երևանի շուրջ 40 հասցեներում
Թբիլիսիում կնշվի Սերգեյ Փարաջանովի ծննդյան 100-ամյակը
Մշակույթ
05.01.2024 | 12:22
Սերգեյ Փարաջանովի ծննդյան 100-ամյակը կնշվի հունվարի 9-ին Թբիլիսիի IAart պատկերասրահում․ գրում է newsgeorgia.ge-ն։
Ականավոր կինոռեժիսորի աշխատանքին նվիրված միջոցառումը կազմակերպվել է Փորձարարական և էթնիկ ավանգարդ արվեստի XII միջազգային փառատոնի շրջանակներում՝ Վրաստանում ՀՀ դեսպանության աջակցությամբ։
«Մենք հրավիրում ենք ձեզ ճանապարհորդել մի աշխարհ, որտեղ մտադրությունն ամեն ինչ է, որտեղ յուրաքանչյուր հպում ու կադր պատմում է մի պատմություն, որը դուրս է ժամանակի շրջանակից: Միացե՛ք մեզ՝ նշելու արվեստի աշխարհի վրա անջնջելի ազդեցություն թողած Փարաջանովի ծննդյան 100-ամյակը»,- ասված է հաղորդագրությունում։։
Միջոցառման ծրագիրը ներառում է.
-Էնտուզիաստների հավաքած Փարաջանովի կոլաժների և հուշանվերների ցուցահանդես Թբիլիսիում,
-Լուսանկարիչ Յուրի Մեչիտովի ցուցահանդեսը, որը ֆիքսել է բազմաթիվ հետաքրքիր պահեր Փարաջանովի կյանքից և ստեղծագործությունից,
-«Փարաջանովը և ԱԻ» ցուցահանդեսը, որը կներկայացնի արհեստական ինտելեկտի կիրառմամբ Փարաջանովի ֆիլմերի հիման վրա ստեղծված աշխատանքները (արվեստագետներ՝ Ալմագուլ Մենլիբաևա, Ջորջիո դա Վիտա),
-Արմեն Օգանեսյանի անվան տիկնիկային թատրոնի մինի ներկայացում՝ նվիրված Սերգո Փարաջանովին,
-Խոսե Մաժինեի «Անհայտ Փարաջանովը» գրքի շնորհանդեսը և «Էկքեհարդ Մաասը Սերգո Փարաջանովի մասին» վավերագրական ֆիլմի դրվագների ցուցադրությունը,
-«Ֆանտազիաներ Փարաջանովի թեմայով» ներկայացումը (երաժշտություն – Արայիկ Ֆիտինգոֆ, Գուրամ Մաչավարիանի, խորեոգրաֆիա – Անաստասիա Կոնոնչուկ, տեսահոլովակներ – Գեորգի Մորիելի),
-Ռեժիսոր Գեորգի Դավիթաշվիլիի «Ուսումնասիրություններ Փարաջանովի թեմայով» գեղարվեստական ֆիլմի հետահայաց ցուցադրություն։
