Վահե Էնֆիաջյանը «Ծառուկյան» խմբակցությունում, ի պաշտպանություն Ռ․ Քոչարյանի, ստորագրահավաքին միացած պատգամավորների չի ճանաչում. ՏԵՍԱՆՅՈՒԹ

Լուրեր

29.03.2024 | 12:27
«Երևանի ավտոբուս» ՓԲԸ տնօրենն աշխատանքից ազատման դիմում է ներկայացրել
29.03.2024 | 12:15
Հայտնաբերվել է Քրեական օրենսգրքի մի շարք հոդվածների մեղադրանքով հետախուզվողը
29.03.2024 | 12:04
Խուզարկություններ՝ Սեֆիլյանի և ԱԺԲ-ականների բնակարաններում, ՀՀ-ն՝ ԵՄ հավաքի հյուր․ ԼՈՒՐԵՐ
29.03.2024 | 12:01
Ադրբեջանի Մեջլիսի նախագահը՝ Ժնևում Ալեն Սիմոնյանի հետ հանդիպման մասին
29.03.2024 | 11:51
ՌԴ-ն հրթիռներով և անօդաչու սարքերով հարձակվել է Ուկրաինայի վրա. «Ուկրէներգոն» հայտարարել է էներգետիկ օբյեկտների վնասման մասին
29.03.2024 | 11:40
Սևաստոպոլում ռուսական կործանիչ է ընկել ծովը․ ՏԵՍԱՆՅՈՒԹ
29.03.2024 | 11:31
Օդային ճանապարհով փորձ է արվել ՀՀ ներմուծել առանց հայտարարագրման բջջային հեռախոսներ
29.03.2024 | 11:20
NYMEX. Թանկարժեք մետաղների գներն աճել են
29.03.2024 | 10:56
Տարածաշրջանում խառնաշփոթը պայմանավորված է ՌԴ-ի գործողություններով․ Միլլերը՝ Զախարովային ի պատասխան
29.03.2024 | 10:40
Արգելվում է Սոլովյովի հաղորդումների հեռարձակումը ՀՀ-ում` հանրային մուլտիպլեքսի միջոցով
29.03.2024 | 10:35
Որքանո՞վ է հավանական, որ Հայաստանը դառնա ԵՄ անդամության թեկնածու․ զրույց դեսպան Վասիլիս Մարագոսի հետ
29.03.2024 | 10:29
ՔԿ-ն խուզարկում է Ժիրայր Սեֆիլյանի բնակարանում և ԱԺԲ-ի հետ փոխկապակցված 40-ից ավելի հասցեներում
29.03.2024 | 10:21
Քարաթափում Լանջազատ գյուղի մոտակայքում
29.03.2024 | 10:05
Արտարժույթների փոխարժեքները մարտի 29-ի դրությամբ
29.03.2024 | 09:48
Նավթի գներն աճել են
Բոլորը

«Բարգավաճ Հայաստան» կուսակցության քարտուղար և ԱԺ «Ծառուկյան» խմբակցության պատգամավոր Վահե Էնֆիաջյանը իր թիմակից Գևորգ Պետրոսյանի՝ Նաիրա Զոհրաբյանի թեկնածության վերաբերյալ հնչեցրած տեսակետը համարում է նրա անձնական կարծիքը: «Նա քաղաքական խորհրդի նիստին չի մասնակցել, եթե մասնակցեր, կկարողանար իր կարծիքն արտահայտել, լսել այլ մարդկանց տեսակետներ ևս և դրանից հետևություններ կաներ»,-Factor.am-ի հետ զրույցում ասաց պատգամավորը։

Հարցին՝ հավանական համարում է, որ Գևորգ Պետրոսյանի բուռն արձագանքը պատճառ դառնա, որ նա վայր դնի պատգամավորական մանդատը և հեռանա կուսակցության շարքերից, Վահե Էնֆիաջյանը պատասխանեց․«Մեր քաղաքական թիմում ներքին ժողովրդավարություն է։ Յուրաքանչյուրի խոսքը կարևոր է եղել, պարզապես, կարծում ենք, որ քննարկման և կարծիք հայտնելու տեղը և միջավայրը եղել է քաղխորհրդի նիստը, որտեղ կա հնարավորություն քվերակությամբ ամրագրելու մեր տեսակետները»։

Հարցին՝ եթե այսօր Գևորգ Պետրոսյանն է, օրեր առաջ էլ մեկ այլ պատգամավոր՝ Վարդան Բոստանջյանը սեփական տեսակետը հայտնելուց հետո հանկարծակի հիվանդացավ և մանդատը վայր դրեց, արդոք սա չի՞ փաստում, որ կուսակցությունում ներքին լարվածություն կա, պատգամավորը նշեց․ «Ընդհանրապես լարվածություն չկա։ Այդ հարցին լավագույնս պատասխանել է Վարդան Բոստանջյանն, որը նշել է, որ տևական ժամանակով մեկնելու է իր առողջական խնդիրները կարգավորելու, այդ ժամանակահատվածում չուզենալով, որ թիմի աշխատանքներում թերացումներ արձանագրվեն, հրաժարականի դիմում է ներկայացրել»։

Վահե Էնֆիաջյանը նաև հավելեց․ «Վարդան Բոստանջյանը մեր լավ ընկերն է, բարեկամն է ու թիմակիցն է»։

Խոսելով Նաիրա Զոհրաբյանի թեկնածության մասին՝ Վահե Էնֆիաջյանն ասաց, որ Երևանի քաղաքապետի թեկնածուի պաշտոնում նրա թեկնածությունը ընդունվել է միաձայն, իսկ քաղաքական թիմն ունի մրցունակ և իրատեսական ծրագիր․ «Մեր ծրագիրը լինելու է շատ գործունակ և մրցունակ։ Ամենակարևորն այն է, որ ներկայացնելու ենք թիմ, որն ի զորու է լինելու քայլեր իրականացնել։ Սկսած աղբահանությունից՝ մինչև տրանսպորտին և քաղաքաշինությանը վերաբերող ծրագրեր, մեր գաղափարները բազմաթիվ են»։

Հարցին՝ սպասվող մեկ այլ՝ խորհրդարանական արտահերթ ընտրություններին «Ծառուկյան» դաշինքը կհամալրվի՞ նոր ուժերով, ընտրության կգնա միայնակ, թե այլ կուսակցությունների հետ, Վահե Էնֆիաջյանը պատասխանեց․ ««Բարգավաճ Հայաստան» կուսակցությունը ինքնաբավ քաղաքական ուժ է, և այն պոտենցիալը, որն ունի, այն ներկայացվածությունը որն ունի, քիչ քաղաքական ուժերի է հաջողվում։ Մենք ճիշտ ժամանակին կներկայացնենք, թե ինչ ձևաչափով ենք գնալու խորհրդարանական ընտրություներին»։

Վահե Էնֆիաջյանն անդրադարձավ նաև ՀՀ 2-րդ նախագահ Ռոբերտ Քոչարյանի կալանավորման վերաբերյալ իր քաղաքական թիմի դիրքորոշմանը և նշեց, որ հարցը իրավական տիրույթում է: «Հետագա զարգացումներով պայմանավորված՝ կլինեն նաև հայտարարություններ»,- ասաց պատգամավորը և հավելեց․ «Ինչպիսի զարգացումներ կլինեն, ինչպիսի բացահայտումներ կլինեն, չենք կարող ասել, երբ նման փաստեր լինեն՝ այն ժամանակ էլ մեր կողմից համապատասխան դիրքրոշումներ կլինեն»։

Վահե Էնֆիաջյանը նաև ընդգծեց, որ ինքն անձամբ չի միացել Ռ․ Քոչարյանին կալանքից ազատելու համար մեկնարկած ստորագրահավաքին, ավելին «Ծառուկյան» խմբակցությունում ստորագրահավաքին միացած պատգամավորների չի ճանաչում։

Մանրամասները՝ տեսանյութում:

Աղավնի Սուքիասյան