15.01.2026 | 10:55
«Ռեալը» սենսացիոն պարտություն է կրել Ալվարո Արբելոայի նորամուտի խաղում․ ՏԵՍԱՆՅՈՒԹ
Գազայում մարդկային կորուստների թիվն անցել է 22 հազարից
Քաղաքականություն
03.01.2024 | 14:06
Գազայի առողջապահության նախարարությունը հայտնել է, որ 2023 թվականի հոկտեմբերի 7-ից մինչև 2024 թվականի հունվարի 2-ը սպանվել է 22185 պաղեստինցի, վիրավորվել՝ 57035-ը։ Առողջապահության նախարարության տվյալներով՝ սպանվածների մոտ 70%-ը կանայք և երեխաներ են, հայտնում է ՄԱԿ-ի հումանիտար հարցերի համակարգման գրասենյակը։
Իսրայելի և ՀԱՄԱՍ-ի միջև պատերազմը սկսվել է հոկտեմբերի 7-ին։ Այդ օրը հրթիռային հարձակումներին զուգահեռ պաղեստինյան ՀԱՄԱՍ շարժման շուրջ 3 հազար զինյալներ ներխուժեցին Իսրայելի տարածք։ Հարձակման հետևանքով ավելի քան 1,3 հազար իսրայելցի սպանվեց, հազարավոր մարդիկ վիրավորվեցին։ Մոտ 250 մարդ պատանդ վերցվեց։ Նրանց թվում կան ոչ միայն իսրայելցիներ, այլև այլ երկրների քաղաքացիներ։ Հետագայում նրանց մի մասը փոխանակվեց։
Դրանից հետո Իսրայելը ռազմական գործողություն սկսեց Գազայի հատվածում։ Դեկտեմբերի 31-ին Իսրայելի վարչապետ Բենիամին Նեթանյահուն հայտարարեց, որ պատերազմը Գազայում կշարունակվի «շատ ամիսներ»:
