15.09.2026 | 17:33
Աջակցում ենք ՀՀ-ի հետ խաղաղությանը․ Հաքան Ֆիդանը՝ Բաքվում
Ռուսաստանը զանգվածային հարված է հասցրել Ուկրաինային
Քաղաքականություն
02.01.2024 | 12:15
Հունվարի 1-ի լույս 2-ի գիշերը ռուսական զորքերը զանգվածային հարված են հասցրել Ուկրաինային, գրում է Meduza-ն։
Հունվարի 1-ի երեկոյան և գիշերը, Ուկրաինայի ԶՈւ ՌՕՈւ-ի հաղորդմամբ, ռուս զինվորականները կիրառել են «Շահեդ-136/131» տիպի 35 հարձակողական անօդաչու թռչող սարք։ Բոլոր դրոնները, ըստ Ուկրաինայի զինված ուժերի, խոցվել են։
Ռուսական զորքերը նաև մի քանի հրթիռային հարձակումներ են իրականացրել։ Հաղորդվում է Տու-95ՄՍ ռմբակոծիչներից և ՄիԳ-31Կ կործանիչներից գրոհների մասին։ Ռուսական զինված ուժերը Կիևի ուղղությամբ նաև «Կինժալ»-ներ են կիրառել։ Ուկրաինայի շրջաններում ՀՕՊ ուժերն են աշխատել։
Հաղորդվում է, որ Կիևի Դեսնյանսկի շրջանում անօդաչուի բեկորն ընկել է բաց տարածքում։ Պեչերսկի շրջանում էլ հրթիռի բեկորներն ընկել են ինը հարկանի բնակելի շենքի, ևս մեկը՝ բազմաբնակարան շենքի տանիքին։
Վերջին տվյալներով՝ Կիևի Սոլոմենսկի շրջանի տներից մեկում տուժել է 12 մարդ, տուժածների մեծ մասը հոսպիտալացվել է։
Խարկովում էլ հրթիռային հարձակման հետևանքով զոհվել է մեկ, վիրավորվել՝ 20 մարդ։
Ռուսական կողմը պաշտոնական մեկնաբանություն դեռ չի արել։
Էմմա Չոբանյան
