23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Դանիայի թագուհին ամանորյա հեռուստատեսային ուղերձում անսպասելիորեն հրաժարվել է գահից
Քաղաքականություն
01.01.2024 | 12:40
Դանիայի թագուհի Մարգրետե 2-րդը ժողովրդին ուղղված ամանորյա հեռուստատեսային ուղերձի ժամանակ անսպասելիորեն հայտարարեց գահիլ է հրաժարվելու մասին։ Պաշտոնապես գահից հրաժարվելու գործընթացը տեղի կունենա հունվարի 14-ին: Այդ օրը կլրանա նրա թագուհի դառնալու 52 տարին, գրում է BBC-ի ռուսական ծառայությունը։
Մարգրետեի հեռանալուց հետո թագավոր կդառնա նրա ավագ որդին՝ թագաժառանգ Ֆրեդերիկը։
«Ես գահը կթողնեմ իմ որդուն՝ թագաժառանգ Ֆրեդերիկին»,- ասել է նա։
83-ամյա Մարգրետե II-ը Դանիայի պատմության մեջ ամենաերկար կառավարող միապետն է, որը գահ է բարձրացել 1952 թվականին հոր՝ Ֆրեդերիկ IX թագավորի մահից հետո:
Ի տարբերություն բրիտանական թագավորական ավանդույթի՝ 55-ամյա թագաժառանգ Ֆրեդերիկի թագադրման պաշտոնական արարողություն չի լինելու։ Պարզապես նույն օրը պալատը կհայտարարի նրա գահ բարձրանալու մասին։
