25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Փաշինյանը որոշել է աշխատանքից ազատել ԲՏԱ նախարարին
Քաղաքականություն
29.12.2023 | 17:58
Նիկոլ Փաշինյանը Բարձր տեխնոլոգիական արդյունաբերության նախարար Ռոբերտ Խաչատրյանին աշխատանքից ազատելու որոշում է կայացրել։ Հրամանագրի նախագիծն ուղրակվել է նախագահի աշխատակազմ։
Ռոբերտ Խաչատրյանին պաշտոնից ազատելու պաշտոնական հիմնավորում չկա, սակայն վերջին շրջանում նախարարությունը հաճախ էր հայտնվում քննադատության թիրախում՝ կապված Հայաստանում հանրային մուլտիպլեքսով ռուսական հեռուստաալիքների վերահեռարձակման շուրջ։
Հիշեցնենք՝ ամիսներ շարունակ ռուսական դաշնային «Առաջին ալիք» և «ՌՏՌ-Պլանետա» հեռուստաալիքները Հայաստանի և ՀՀ իշխանությունների հասցեին վիրավորական բովանդակությամբ հաղորդումներ էին հեռարձակում՝ ինչը ՀՀ-ի հասարակական քաղաքական շրջանականերում դժգոհությունների տեղիք էր տվել։ Չնայած դրան՝ ալիքների վերահեռարձակումը չդադարեցվեց։
2023 թվականի դեկտեմբերի 14-ին Երևանում տեղի էին ունեցել երկկողմ խորհրդակցություններ ՀՀ բարձր տեխնոլոգիական արդյունաբերության և ՌԴ թվային զարգացման, կապի և զանգվածային հաղորդակցության նախարարությունների միջև, արձանագրվել են ռուսական հեռուստաալիքների կողմից թույլ տրված խախատումները։ Ռոբերտ Խաչատրյանն այդ հանդիպումից հետո հայտարարել էր, թե խախտումներն արձանագրվել են քննարկման ժամանակ, սակայն, ռուսական կողմը հերքել էր՝ նշելով, որ Երևանը հստակ օրինակներ չի ներկայացրել։
