29.04.2026 | 12:53
Ով է Մուստաֆաևը և ինչով է հայտնի․ Ադրբեջանի փոխվարչապետը Երևանում է․ ՏԵՍԱՆՅՈՒԹ
Իրանը մահապատժի է ենթարկել չորս մարդու՝ «Մոսադ»-ի հետ համագործակցելու մեղադրանքով
Քաղաքականություն
29.12.2023 | 15:43
Իրանը մահապատժի է ենթարկել չորս մարդու, որոնք, ըստ տեղի իշխանությունների, կապված են եղել իսրայելական հետախուզական «Մոսադ»-ի հետ։ Տեղական Mizan գործակալությունը գրում է, որ իսրայելական կառույցների հետ համագործակցության գործով, ընդհանուր առմամբ, ձերբակալվել է տասը մարդ, փոխանցում է Կոմերսանտը:
Արևմտյան Ադրբեջանի նահանգի դատարանի որոշումից, որը հրապարակել է գործակալությունը, հետևում է, որ Վաֆա Հենարեն, Արամ Օմարին, Ռահման Փարհազոն և Նասիմ Նամազին դրամական պարգևի դիմաց հրկիզել են Իրանի իրավապահների տներն ու մեքենաները։ Ենթադրվում է, որ այդ կերպ «դատապարտյալները նպատակ են ունեցել խարխլել երկրի անվտանգությունը»։
Իրանի և Իսրայելի միջև հարաբերությունները վատթարացել են Իսրայելի պաշտպանության բանակի և պաղեստինյան ՀԱՄԱՍ շարժման միջև պատերազմի բռնկման պահից հետո:
Իրանի խորհրդարանը նույնիսկ սպառնացել էր միանալ մարտերին, եթե Իսրայելը ցամաքային հարձակում սկսի Գազայի հատվածում: Սակայն, ըստ Reuters-ի, Իրանի գերագույն հոգևոր առաջնորդ Ալի Խամենեին 2023 թվականի նոյեմբերի սկզբին ՀԱՄԱՍ-ի զինյալների հետ հանդիպման ժամանակ ասել է, որ Իրանը դա չի անի։
