12.08.2026 | 22:00
ԶՊՄԿ-ի պատմության լավագույն շրջանը
Տասնյակ փաստաբաններ են զբաղվում. Ծառուկյանն անդրադարձավ իր՝ ենթադրյալ ապօրինի ծագման գույքերին
Քաղաքականություն
29.12.2023 | 00:05
Գագիկ Ծառուկյանին պատկանող ենփադրյալ ապօրինի ծագում ունեցող գույքերի վարույթներով «տասնյակ փաստաբաններ են զբաղվում»։ Այս մասին «Կենտրոն» հեռուստաընկերությանը տված հարցազրույցում ասել է ԲՀԿ ղեկավար Գագիկ Ծառուկյանը։
«Տասնյակ փաստաբաններ են զբաղվում՝ յուրաքանչյուրը մի ոլորտով։ Օրենքը բոլորի համար է, բոլորս հավասար ենք օրենքի առաջ։ Ես կառուցել եմ եկեղեցիներ, կառուցել եմ գործարաններ, սպորտ դպրոցներ եմ ֆինանսավորել, թոշակներ եմ նշանակել, տարեկան 100-200 մեքենա եմ բաժանել։ Բարոյապես ինձ լավ չեմ զգում, երբ պետական պաշտոնի չեմ եղել․․․ Դատախազությունն է ասում, որ Ծառուկյանների ընտանիքը 80-ականներից աշխատում է, այո՛, հանրությունն էլ գիտի։ Մինչ այսօր էլ ընտանիքով աշխատում ենք, ծնողներս 90 տարեկան են, բայց աշխատում են, 70 հատ բիզնես ունենք։ Ես հանգիստ եմ, հա էլ ստուգել են, քանի անգամ ուզում են թող ստուգեն։ Արտադրամասերն են ստուգել որտեղ սունկ ա եղել, հացի փուռ, ջերմոց, կալգոտկա, կոնյակ, կոշիկ, օղի․․․ այդ շենքում գտել են 40 տարվա պապկա, ասում են որտեղի՞ց»,- ասաց նա։
Հիշեցնենք՝ Factor TV-ին անդրադարձել էր Գագիկ Ծառուկյանին և ընտանիքին պատկանող ենթադրյալ ապօրինի ծագում ունեցող գույքին, դրանց մի մասը բաղկացած է 16 էջից։
