23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ռուսաստանը սպառնացել է ՆԱՏՕ-ին. «Առաջինը կտուժի Ֆինլանդիան»
Քաղաքականություն
28.12.2023 | 17:43
Վիեննայում միջազգային կազմակերպություններում Ռուսաստանի մշտական ներկայացուցիչ Միխայիլ Ուլյանովը հայտարարել է, որ եթե ՆԱՏՕ-ի և Ռուսաստանի միջև առճակատում տեղի ունենա, Ֆինլանդիան «առաջինը կտուժի», հաղորդում է Euractiv-ը։
«Ապրում էինք հանգիստ, խաղաղ և անսպասելիորեն հայտնվեցինք Ռուսաստանի և ՆԱՏՕ-ի միջև՝ որպես դաշինքի անբաժանելի մաս, բայց նրանք մեզ հետ են հարևաններ, և Աստված մի արասցե, եթե որևէ սրացում լինի, ապա առաջին հերթին կտուժի Ֆինլանդիան»,- ասել է ռուս դիվանագետը։
Նա նշել է, որ Ֆինլանդիան տասնամյակներ շարունակ պահպանել է չեզոք կարգավիճակ։ Այդուհանդերձ, ՆԱՏՕ-ին երկրի անդամակցությունն այն «վերածել է Մոսկվային թշնամաբար տրամադրված պետության»։ Ուլյանովն իր հայտարարությունները հիմնավորել է նաև նրանով, որ Ֆինլանդիայի սահմանը հարում է Ռուսաստանին։
Ռուս դիվանագետը նաև «լուրջ մարտահրավեր» է անվանել այն, որ Միացյալ Նահանգներն ու Ֆինլանդիան ամրապնդում են պաշտպանական համագործակցությունը, ինչը կբացի ամերիկացի զինվորականների մուտքը երկրի օբյեկտներ:
