14.12.2024 | 19:57
Ինչ իրավիճակ է ճանապարհներին 19։35-ի դրությամբ
ԱՄՆ պետքարտուղարն ու Թուրքիայի ԱԳ նախարարը հեռախոսազրույց են ունեցել
Քաղաքականություն
28.12.2023 | 12:50
ԱՄՆ պետքարտուղար Էնթոնի Բլինքենն ու Թուրքիայի ԱԳ նախարար Հաքան Ֆիդանը հեռախոսազրույց են ունեցել։ ԱՄՆ Պետքարտուղարության հաղորդագրության համաձայն՝ կողմերը շարունակել են քննարկումները ՆԱՏՕ-ին Շվեդիայի անդամակցության ժամկետների, Իսրայել-ՀԱՄԱՍ հակամարտության և Գազայի հատվածին մարդասիրական օգնություն մտակարարելու արագության և մասշտաբների մեծացման կարևորության վերաբերյալ:
Թուրքական կողմի փոխանցմամբ էլ՝ Ֆիդանը հիշեցրել է, որ Թուրքիայի խորհրդարանի արտաքին հարաբերությունների հանձնաժողովն ընդունել է Շվեդիայի՝ ՆԱՏՕ-ին անդամակցելու մասին արձանագրությունը վավերացնելու մասին օրինագիծը։ Նա ասել է, որ Անկարան ակնկալում է, որ ԱՄՆ իշխանություններն ու Կոնգրեսը կգործեն դաշնակցային ոգուն համապատասխան և կկատարեն Թուրքիային տրված խոստումները՝ կապված F-16 կործանիչների մատակարարման հետ։
Գազայի հատվածում տիրող իրավիճակի վերաբերյալ Ֆիդանը հիշեցրել անհապաղ զինադադար ապահովելու և խաղաղ բանակցություններ սկսելու անհրաժեշտության մասին։
Հաղորդվում է, որ նախարարները քննարկել են նաև Կիպրոսի խնդրի կարգավորման թեման։
Էմմա Չոբանյան
