15.11.2024 | 17:08
ԱՄՆ-ն ամեն շաբաթ զենք կուղարկի Ուկրաինա
Բնակարանային գողություն կատարած երիտասարդը ձերբակալվել է
Հասարակություն
27.12.2023 | 15:54
Դեկտեմբերի 26-ին ոստիկանության օպերատիվ կենտրոն զանգած քաղաքացին հայտնել էր, որ ժամը 11.15-ից ժամը 11.55-ն ընկած ժամանակահատվածում Տիգրան Մեծի պողոտայի նրբանցքի իր բնակարանից գողացել են 1370 դոլար և 160 000 դրամ․ տեղեկացնում են ՆԳՆ ոստիկանությունից։
Գողության փաստով նախաձեռնվել է քրեական վարույթ:
Ոստիկանության Էրեբունու բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում պարզել են գողությունը կատարողի ինքնությունը:
22-ամյա երիտասարդը հայտնաբերվել, գողություն կատարելու կասկածանքով ձերբակալվել և տեղափոխվել է Էրեբունու բաժին, որտեղ խոստովանել է արարքը:
Քրեական վարույթը շարունակվում է:
