15.01.2026 | 10:55
«Ռեալը» սենսացիոն պարտություն է կրել Ալվարո Արբելոայի նորամուտի խաղում․ ՏԵՍԱՆՅՈՒԹ
ՀՀ ԱԺ նախագահն այցելել է ՊՆ N զորամաս, շնորհավորել զինծառայողներին առաջիկա տոների կապակցությամբ
27.12.2023 | 14:56
ՀՀ ԱԺ նախագահ Ալեն Սիմոնյանն Ամանորի եւ Սուրբ Ծննդյան տոների կապակցությամբ այցելել է ՀՀ ՊՆ N զորամաս․ տեղեկացնում են ՀՀ ՊՆ-ից։
Խորհրդարանի ղեկավարը ծաղիկներ է խոնարհել հայրենիքի համար իրենց կյանքը զոհաբերած հայորդիների հիշատակին:
Այնուհետեւ Ալեն Սիմոնյանը ծանոթացել է զինծառայողների կացարանային պայմաններին, շրջել գրադարանում: Զորամասի գրադարանը համալրվել է ԱԺ նախագահի նվիրած գրքերով:
Խորհրդարանի ղեկավարը ճաշել է սպայական անձնակազմի եւ պարտադիր ժամկետային զինծառայողների հետ, զրուցել նրանց հետաքրքրող հարցերի շուրջ:
Ալեն Սիմոնյանը գալիք տոների կապակցությամբ շնորհավորել է զինծառայողներին, շնորհակալություն հայտնել անձնվեր ծառայության համար:
