08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
Թուրքիայում գազային հանգույցի նախագծի իրագործումը կարող է սկսվել 2024 թվականին․ ՌԴ փոխվարչապետ
Քաղաքականություն
27.12.2023 | 20:19
Ռուսական «Գազպրոմը» և Թուրքիան պայմանավորվել են թուրքական գազային հանգույցի համար ճանապարհային քարտեզ պատրաստել։ Այն կընդունվի մոտ ապագայում, և նախագծի իրականացումը կարող է սկսվել 2024 թվականին։ Այս մասին հայտարարել է ՌԴ փոխվարչապետ Ալեքսանդր Նովակը, գրում է ՌԻԱ Նովոստին։
«Այսօր պայմանավորվել ենք մեր գործընկերների հետ համապատասխան ճանապարհային քարտեզի պատրաստման շուրջ, որը կընդունվի մոտ ապագայում։ Դրա շրջանակում մենք շարժվելու ենք, որպեսզի ապահովենք այս նախագծի իրականացման մեկնարկը»,- ասել է նա «Россия 24» հեռուստաալիքին տված հարցազրույցում՝ մեկնաբանելով գազային հանգույցի նախագծի իրականացումը։
Նովակը հավելել է, որ թուրք գործընկերներն առաջիկայաում այցելելու են Սանկտ Պետերբուրգ՝ ռուսական փորձին ծանոթանալու համար։
«Համոզված եմ, որ այն օգտակար կլինի՝ ապահովելու Թուրքիայում նման էլեկտրոնային հարթակի և հանգույցի ձևավորումը։ Հուսանք, որ հաջորդ տարում կտրվի այս ծրագրի իրականացման մեկնարկը»,- ասել է ՌԴ փոխվարչապետը։
Դեռևս նոյեմբերի 27-ին էր հայտնի դարձել, որ թուրքական պատվիրակությունը նախատեսում է այցելել Պետերբուրգ դեկտեմբերի առաջին կեսին՝ քննարկելու գազային հանգույցի ճանապարհային քարտեզը։
Նշենք, որ 2022 թվականի հոկտեմբերին Ռուսաստանի նախագահ Վլադիմիր Պուտինը Թուրքիայի ղեկավար Ռեջեփ Թայիփ Էրդողանին առաջարկել էր երկրում գազային հանգույց ստեղծել։ Թուրքիայի և ՌԴ-ի նախագահները հանձնարարել էին շտապ մշակել Թուրքիայում գազային հանգույցի ստեղծման նախագիծ, որով Ռուսաստանը կարող է գազի տարանցումը Հյուսիսային հոսքերից տեղափոխել դեպի սևծովյան տարածաշրջան և Թուրքիա։ Էրդողանը նաև ասել էր, որ Եվրոպան կարող է ռուսական գազ ստանալ Թուրքիայի տարածքով։
Ավելի ուշ տեղեկություններ տարածվեցին, որ Թուրքիան և ռուսական «Գազպրոմ» ընկերությունը պայմանավորվել են առաջիկայում կազմել գազային հանգույցի ճանապարհային քարտեզն ու սկսել նախագծի իրականացման աշխատանքները։
Էմմա Չոբանյան
