12.01.2025 | 16:47
2018 թ. հեղափոխությունից հետո ժողովրդի մղումներն իրականացնելու ճանապարհով գնալը կործանարար կլիներ մեր պետության համար. Փաշինյան
Կոտայքի և Արմավիրի մարզերում բենզալցակայանների գործունեություն է դադարեցվել
26.12.2023 | 18:30
ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավար Գարեգին Խաչատրյանի հանձնարարագրերի հիման վրա Տեսչական մարմինը հրդեհատեխնիկական հետազոտություններ է իրականացրել Արմավիրի մարզի Խորոնք գյուղի, Նալբանդյան գյուղի 4-րդ պողոտա 1 հասցեներում, ինչպես նաև Կոտայքի մարզի Աբովյան քաղաքի Սահմանադրության հրապարակ թիվ 7/2, ք․ Աբովյան, Սահմանադրության հրապարակ հասցեներում շահագործվող բենզալցակայանների՝ նորմատիվ-տեխնիկական փաստաթղթերի պահանջների կատարման նկատմամբ․ տեղեկացնում են ՔՏՀԱ-ից։
Հրդեհատեխնիկական հետազոտության արդյունքում Տեսչական մարմնի հրդեհային և տեխնիկական անվտանգության մասնագետները հայտնաբերել և արձանագրել են հրդեհային և տեխնիկական անվտանգության նորմատիվ փաստաթղթերի պահանջների այնպիսի խախտումներ, որոնք անմիջական սպառնալիք են մարդկանց կյանքի, առողջության և անվտանգության համար։
Հաշվի առնելով հրդեհային և տեխնիկական անվտանգության պահանջների խախտումների ռիսկայնությունն ու վտանգավորության աստիճանը՝ ՀՀ ՔՏՀԱ տեսչական մարմնի ղեկավարն Արմավիրի և Կոտայքի մարզերի բենզալցակայանների գործունեության դադարեցման վերաբերյալ որոշումներ է կայացրել։
Դեկտեմբերի 26-ին Արմավիրի մարզի վերոնշյալ հասցեների բենզալցակայաններն ապամոնտաժվել են, իսկ Կոտայքի մարզի 2 բենզալցակայանների գործունեությունը դադարեցվել է։
