16.07.2026 | 16:50
ՍԱՏՄ-ն կասեցրել է «Հասմիկ մարզական սպորտ-ճամբար»-ի խոհանոցի աշխատանքը
Անհասկանալի է, թե ինչու է Ստեփանավանի զինկոմը ՀՔԱ Վանաձորի գրասենյակի փաստաբանին նույնացրել իրավապահ կառույցի հետ
Հասարակություն
02.08.2018 | 20:28
Ստեփանավանի զինվորական կոմիսար Արմեն Էլոյանը 2018 թ. հուլիսի 13-ի գրությամբ ՀՔԱ Վանաձորի գրասենյակի փաստաբան Սյուզաննա Սողոմոնյանի տեղեկատվության հարցումը մերժել է ՝ հղում անելով դրա հետ կապ չունեցող մի հրամանի, որով «զինկոմիսարիատներն այլ իրավապահ կառույցներին անձնական գործեր և տեղեկատվություն տրամադրում են միայն նրանց կողմից քննվող քրեական գործերի շրջանակներում համապատասխան որոշումների կամ գրությունների առկայության դեպքում»:
Ս. Սողոմոնյանը հարցումը ներկայացրել է 2018 թ. հուլիսի 10-ին՝ իր պաշտպանյալի՝ զինծառայող Ֆ. Զ.-ի իրավունքների պաշտպանության նպատակով:
Վերջինս զինված ուժեր է զորակոչվել առողջական խնդիրներով և զինծառայության ընթացքում պարբերաբար գանգատներ է ունեցել: Հարցմամբ Ս. Սողոմոնյանը պահանջել էր տրամադրել Ֆ. Զ.-ի առողջական վիճակի հետազոտությունների արդյունքները՝ իրավաբանական օգնություն ցուցաբերելու համար:
Անհասկանալի է, թե ինչու է Ստեփանավանի զինկոմը ՀՔԱ Վանաձորի գրասենյակի փաստաբանին նույնացրել իրավապահ կառույցի հետ, բայց փաստն այն է, որ փաստաբանական հարցումը սխալ է մեկնաբանվել և փաստաբանի՝ տեղեկատվություն ստանալու իրավունքը խախտվել է:
Ավելին՝ ԱՅՍՏԵՂ
