16.01.2025 | 17:01
Կարմիր բերերտավորի` «Աչքերդ չկլորցնես» արտահայտության մասով ՆԳՆ-ում ծառայողական քննություն է սկսվել․ ՏԵՍԱՆՅՈՒԹ
Ձերբակալված ձնորսներից մեկը կալանավորվել է
Հասարակություն
25.12.2023 | 17:59
Գեղարքունիքում ձերբակալված ձկնորսներից մեկը 1 ամսով կալանավորվել է։ Այս մասին Factor.am-ի հարցին ի պատասխան հայտնեց ՀՀ քննչական կոմիտեի մամուլի խոսնակ Գոռ Աբրահամյանը։
«Մեղադրանքը ներկայացվել է ՀՀ քրեական օրենսգրքի 452-րդ հոդվածի 4-րդ մասի 2-րդ կետով, այն է՝ պաշտոնատար անձի օրինական ծառայողական կամ քաղաքական գործունեությանը միջամտելը՝ զենքի կամ մարմնական վնասվածք պատճառելու համար նախապես պատրաստված կամ հարմարեցված առարկայի կամ միջոցի գործադրմամբ։ Ձերբակալված 25 անձինք ազատ են արձակվել, նրանց մասով քրեական հետապնդում այս պահին չկա հարուցված»,- մանրամասնեց Գոռ Աբրահամյանը։
Հիշեցնենք, որ Գեղարքունիքի մարզում ձկնորսները զանգվածային խուլիգանություն էին կատարել, բռնություն կիրառել ծառայողական պարտականություններն իրականացնող պաշտոնատար անձանց նկատմամբ, որի արդյունքում ձերբակալվել էր 26 անձ․ այս մասին տեղեկացրել էր Քննչական կոմիտեն։
Արփի Հակոբյան
