29.04.2026 | 14:50
Որքան է կազմելու Հայաստանում «Յուվենտուսի» ակադեմիայի ամսական վճարը. ծրագրի մանրամասներն ու նախագրանցման մեկնարկը․ ՏԵՍԱՆՅՈՒԹ
Բաքվում Իրանի դեսպանն ու Ադրբեջանի ԱԳ փոխնախարարը քննարկել են հայ-ադրբեջանական կարգավորման գործընթացը
22.12.2023 | 15:35
Ադրբեջանի ԱԳ փոխնախարար Սամիր Շարիֆովն ու Բաքվում Իրանի դեսպան Սեիդ Աբբաս Մուսավին քննարկել են երկու երկրների հարաբերությունները։
Ադրբեջանական լրատվամիջոցները, վկայակոչելով Բաքվում Իրանի դեսպանատանը հաղորդագրությունը, հայտնում են, որ հանդիպման ընթացքում քննարկվել են քաղաքական, տնտեսական, ռազմական և այլ ոլորտներում երկկողմ կապերի զարգացումը, Կովկասյան տարածաշրջանում տեղի ունեցող իրադարձությունները և Ադրբեջանի և Հայաստանի միջև կայուն խաղաղության հասնելու ջանքերը։
Հաղորդվում է, որ տեղի է ունեցել մտքերի փոխանակում Կովկասում տարածաշրջանային համագործակցության տարբեր ձևերի, էներգետիկայի և տրանսպորտի ոլորտում համատեղ նախագծերի իրականացման շուրջ։
Բացի այդ՝ անդրադարձ է եղել բանկային և հյուպատոսական խնդիրներին, փոխադարձ հետաքրքրություն ներկայացնող այլ թեմաների։
