14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ռուսաստանն ու Հայաստանը ստեղծել են օպերատիվ հաղորդակցման ուղիներ լրատվամիջոցների խնդիրների վերաբերյալ․ Կոպիրկին
Քաղաքականություն
22.12.2023 | 16:01
Ռուսաստանը և Հայաստանը ստեղծել են հաղորդակցության օպերատիվ ուղիներ՝ կապված միմյանց տարածքում լրատվամիջոցների աշխատանքի հետ։ Այս մասին ՏԱՍՍ-ին տված հարցազրույցում ասել է Հայաստանում Ռուսաստանի դեսպան Սերգեյ Կոպիրկինը։
«Մեր երկրների միջև կա 2020 թվականի դեկտեմբերի 30-ի համաձայնագիր զանգվածային հաղորդակցության ոլորտում համագործակցության մասին, և դրա շրջանակներում էր, որ դեկտեմբերի 14-ին Ռուսաստանի Դաշնության թվային զարգացման, կապի և զանգվածային հաղորդակցության նախարարությունը և Հայաստանի Հանրապետության բարձր տեխնոլոգիական արդյունաբերության նախարարությունը երկկողմ խորհրդակցություններ անցկացրեցին։ Բանակցությունների ընթացքում ռուսական պատվիրակությունը լսել է հայ գործընկերների փաստարկները և ի գիտություն ընդունել նրանց մտահոգությունները։ Կարևոր է, որ խորհրդակցությունների ընթացքում կողմերը պայմանավորվել են օպերատիվ կապի ուղիների ստեղծման շուրջ՝ հնարավոր տարաձայնությունները մեր երկրների միջև բարեկամական հարաբերությունների ոգով լուծելու համար»,- նշել է նա։
Ավելի վաղ Երևանը հայտարարել էր, որ Հայաստանի կառավարությունը չի քննարկում ռուսական հեռուստաալիքները հանրային մուլտիպլեքսից հեռացնելու հնարավորությունը, Երևանն ու Մոսկվան քննարկել են այս ոլորտում առկա խնդիրները։
