12.01.2025 | 15:50
Յուրաքանչյուր դատավոր պետք է գործի բացառապես օրենքի և իր խղճի թելադրանքով. ՀՀ նախագահ․ ՏԵՍԱՆՅՈՒԹ
Կերչում հզոր պայթյունների մասին է հաղորդվում․ Ղրիմի կամուրջը փակ է
Քաղաքականություն
21.12.2023 | 18:01
Ղրիմի լրատվամիջոցները հայտնում են Կերչում հզոր պայթյունների մասին, գրում է BBC-ի ռուսական ծառայությունը։
Մասնավորապես, «Крымский ветер» տելեգրամ ալիքը գրում է, որ իր բաժանորդները հայտնել են Կերչում չորս հզոր պայթյունի մասին։ Հաղորդվում է, որ Ղրիմի կամուրջն արգելափակված է, իսկ Արդյունաբերական մայրուղու տարածքում ծուխ է բարձրանում։
«Крым-реалии» տելեգրամ ալիքն էլ գրում է, որ ըստ որոշ հաղորդագրությունների՝ պայթյունները ՀՕՊ-ի աշխատանքի արդյունք են Ղրիմի կամուրջի շրջանում։
Միևնույն ժամանակ, ըստ աղբյուրի՝ կրկնվող պայթյուններն այնքան ուժեղ են եղել, որ Կերչի կենտրոնական հատվածում տների պատերը ցնցվել են։ Հաղորդվում է, որ Կերչի կամրջի երթևեկությունն արգելափակված է ժամը 14:08-ից։
Պաշտոնապես այս մասին դեռևս տեղեկություններ չեն հաղորդվում։
Էմմա Չոբանյան
