26.06.2026 | 02:03
ԱԱ-2026. Գերմանիան անակնկալ պարտություն կրեց, Կոտ դ’Իվուարը հաղթեց. ՏԵՍԱՆՅՈՒԹ
Ուկրաինայի ՊՆ ղեկավարը հայտարարել է Ղրիմը 2024 թվականին վերադարձնելու ծրագրերի մասին
Քաղաքականություն
21.12.2023 | 19:22
Ուկրաինան կկարողանա վերադարձնել Ռուսաստանին բռնակցված Ղրիմը 2024 թվականին։ Այս մասին Bild-ին տված հարցազրույցում հայտարարել է Ուկրաինայի պաշտպանության նախարար Ռուստեմ Ումերովը։
«Ես հարյուր տոկոսով վստահ եմ: Դա մեր ռազմավարական նպատակն է՝ վերադառնալ միջազգայնորեն ճանաչված սահմաններին։ Մենք դա կարողանում ենք անել մեր գործընկերների աջակցությամբ։ Կասկած չկա, որ մենք հաղթելու ենք։ Մենք չենք սկսել այս պատերազմը, բայց մենք այն կավարտենք։ Իհարկե, դա դժվար կլինի առանց ռադիոէլեկտրոնային պայքարի միջոցների, առանց անօդաչու թռչող սարքերի, առանց հրետանու, առանց արկերի։ Դժվար է, բայց մենք չենք հանձնվի։ Մենք կշարունակենք պայքարել»,- խոստացել է Ումերովը։
Նա հիշեցրել է, որ ծնվել է Կենտրոնական Ասիայում՝ Ղրիմի թաթարների ընտանիքում, որոնց արտաքսել են խորհրդային իշխանությունները։ Նրա կարծիքով՝ Ռուսաստանը գտնվում է «պատմության մութ կողմում»։
«Իսկ առավել կարևորը՝ Պուտինի ռեժիմը դատապարտված է ողջ քաղաքակիրթ աշխարհի կողմից»,- եզրափակել է Ումերովը։
Ուկրաինայի գործող պաշտպանության նախարարն այս պաշտոնին նշանակվել է սեպտեմբերին՝ գերատեսչությունում կոռուպցիոն սկանդալից հետո։
