07.10.2026 | 10:15
Հայաստանի ներկայացուցիչները ադրբեջանցի և միջազգային փորձագետների հետ Լոնդոնում մասնակցել են աշխատաժողովի
Շվեդիայում հարձակման և թալանի է ենթարկվել հայկական եկեղեցին․ ԼՈՒՍԱՆԿԱՐՆԵՐ
Քաղաքականություն
21.12.2023 | 14:29
Օրերս շվեդական Սյոդերտելյեի Հայ առաքելական Սուրբ Մարիամ եկեղեցում գողություն է տեղի ունեցել։ Տեղական լրատվամիջոցների հաղորդմամբ՝ հանցագործները գողացել են թանկարժեք իրեր, որոնք ունեն և՛ ֆինանսական, և՛ էմոցիոնալ արժեք:
Telgenytt-ի տեղեկություններով՝ դեպքը տեղի է ունեցել չորեքշաբթի գիշերը կամ վաղ առավոտյան։ Այս պահին պարզ չէ, թե քանի հանցագործի մասին է խոսքը։ Գողը կամ գողերը եկեղեցի կարող էին մուտք գործել պատուհանից, որը տանում է դեպի եկեղեցուն միացված սենյակ։ Այս վայրն օգտագործվում է մկրտությունների, հարսանիքների և այլ միջոցառումների համար:
«Մենք չէինք սպասում նման բան, տխուր է Սուրբ Ծնունդից առաջ: Մենք կանգնած ենք դատարկ զոհասեղանի առաջ։ Մենք առաջ ենք գնալու և ամեն ինչ անելու ենք, որ մեր անդամներն ապահով զգան»,- ասել է եկեղեցու ներկայացուցիչ Ալեքսանդր Շառոյանը։
Հաղորդվում է, որ ոստիկանությունը հետաքննություն է սկսել գողության փաստով։
Էմմա Չոբանյան
