15.09.2026 | 16:00
Ֆաշիստական ելույթ ունեցաք, դուք երիտբոլշևիկներ եք․ Վարդանյանը՝ Եղոյանին․ ՏԵՍԱՆՅՈՒԹ
Իսրայելական բանակը Գազայի կենտրոնում հայտնաբերել է ՀԱՄԱՍ-ի առաջնորդների թունելները
Քաղաքականություն
21.12.2023 | 14:49
Իսրայելի պաշտպանության բանակը (IDF) Գազայի կենտրոնում թունելների ընդարձակ համակարգ է հայտնաբերել, որն օգտագործվում է արմատական իսլամիստական ՀԱՄԱՍ շարժման առաջնորդների կողմից։ Առանցքային դեր է խաղում հրապարակներից մեկը, որտեղից կարելի է օգտվել ստորգետնյա երթուղիներից՝ հասնելու շարժման քաղաքական և ռազմական ղեկավարության «ապաստաններ, շտաբներ և բնակարաններ», բացատրել են իսրայելցի զինվորականները, գրում է DW-ի ռուսական ծառայությունը։
«Պաղեստինի հրապարակը» գտնվում է Գազայի «էլիտար թաղամասում», որը վերահսկողության տակ են վերցրել իսրայելցի զինվորները, ընդգծել են Իսրայելի պաշտպանության բանակից։
«Հրապարակը ՀԱՄԱՍ-ի ռազմական հրամանատարության կենտրոնն էր և շրջապատված է շենքերով, որոնք ծառայում էին որպես շտաբ, ահաբեկիչների թունելներ և ռազմավարական շենքեր, որոնք պատկանում էին ՀԱՄԱՍ-ին»,- հավելել է բանակի մամուլի ծառայությունը։
Ըստ այդ տեղեկությունների՝ ռազմական ենթակառուցվածքը գտնվում էր «խանութների, կառավարական շենքերի, բնակելի շենքերի և խուլ երեխաների համար նախատեսված հատուկ դպրոցի մոտ»:
Թունելների այս ցանցը միանում է ստորգետնյա ենթակառուցվածքին Ալ-Ռանտիսի և Ալ-Շիֆա հիվանդանոցների տարածքում, նշել է Իսրայելի պաշտպանության բանակը։ Թունելները հագեցած են վերելակներով և պայթյունադիմացկուն դռներով, իսկ որոշ դեպքերում հայտնաբերվել են սննդի, ջրի պաշարներ և էներգետիկ ենթակառուցվածքների տարրեր, ավելացրել են զինվորականները։
Սա թույլ է տալիս ՀԱՄԱՍ-ի զինյալներին երկար ժամանակ թաքնվել, նշել է բանակի մամուլի ծառայությունը։
