07.10.2026 | 11:33
ՄԱԿ-ի Մարդու իրավունքների խորհուրդը միաձայն ընդունել է Հայաստանի հեղինակած բանաձևը
ՌԴ հուսով է, որ Նիկոլ Փաշինյանը կժամանի Պետերբուրգ՝ ԱՊՀ գագաթնաժողովին․ Զախարովա
Քաղաքականություն
20.12.2023 | 17:45
Մոսկվան պատրաստ է Երևանի հետ բոլոր հարցերը լուծել կառուցողական ձևով։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Ըստ նրա՝ ռուսական կողմը ելնում է նրանից, որ Հայաստանի վարչապետ Նիկոլ Փաշինյանը Սանկտ Պետերբուրգ է ժամանելու ԱՊՀ ոչ պաշտոնական գագաթնաժողովին։
«Մենք ելնում ենք նրանից, որ ՀՀ վարչապետ Նիկոլ Փաշինյանը կօգտվի Ռուսաստանի Դաշնության նախագահի հրավերից և դեկտեմբերի 25-26-ը կժամանի Սանկտ Պետերբուրգ, որտեղ կմասնակցի Եվրասիական բարձրագույն տնտեսական խորհրդի և ԱՊՀ անդամ պետությունների ղեկավարների նախաամանորյա ավանդական հանդիպմանը։ Այստեղ հնարավոր կլիներ բարձրացնել բոլոր հետաքրքրող հարցերը»,- ասել է Զախարովան։
Նա նշել է, թե Մոսկվայում «ղեկավարվում են Հայաստանի հետ հարաբերությունների դաշնակցային բնույթով, մշտապես պատրաստ են ի հայտ եկած բոլոր խնդիրները լուծել հանդարտ, պրոֆեսիոնալ և գործընկերային ձևով»։
Էմմա Չոբանյան
