07.10.2026 | 16:04
Ադրբեջանն Ուկրաինային հերթական մարդասիրական օգնությունն է ուղարկել
ՃՏՊ Մաշտոցի պողոտայում. «Mercedes-Benz»-ը դուրս է եկել ճանապարհի երթևեկելի հատվածից և բախվել գետնանցման պատին
19.12.2023 | 10:06
Դեկտեմբերի 19-ին, ժամը 05։48-ին Ճգնաժամային կառավարման ազգային կենտրոն ահազանգ է ստացվել, որ Երևանի Մաշտոցի պողոտայում տեղի է ունեցել ՃՏՊ, կան արգելափակված քաղաքացիներ․ տեղեկացնում են ՆԳՆ ՓՇ-ից։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «Mercedes-Benz» մակնիշի ավտոմեքենան (վարորդ՝ Օ․ Հ․, ծնված 2003 թ.) դուրս է եկել ճանապարհի երթևեկելի հատվածից և բախվել գետնանցման պատին:
Մինչ փրկարարների կանչի վայր հասնելը՝ ուղևոր Վ․ Վ․-ն (ծնված 1986 թ.) ավտոմեքենայից դուրս է բերվել և հոսպիտալացվել բժշկական կենտրոն, որտեղ բժիշկները նրա առողջական վիճակը գնահատել են միջին ծանրության:
Փրկարարները ուղևոր Ք․ Խ․-ին (ծնված 1999 թ.) դուրս են բերել ավտոմեքենայից․ տուժածը հոսպիտալացվել է բժշկական կենտրոն, որտեղ նրա առողջական վիճակը գնահատվել է բավարար:
Փրկարարները հոսանքազրկել են ավտոմեքենան:
